11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Անկախության օրը պետության ամենակարևոր տոնն է, իսկ խաղաղության հաստատումը` դիվանագիտության հաղթանակը. ՀՀ նախագահ
22.09.2025 | 18:03
Աշխատանքային այցով ԱՄՆ Նյու Յորք քաղաքում գտնվող Հանրապետության նախագահ Վահագն Խաչատուրյանը սեպտեմբերի 21-ին մասնակցել է Հայաստանի Անկախության օրվա կապակցությամբ ՄԱԿ-ում ՀՀ ներկայացուցչությունում կազմակերպված ընդունելությանը։
«Հանրապետության նախագահը շնորհավորել է ներկայացուցչության աշխատակազմին և հայկական պատվիրակությանն օրվա կապակցությամբ, մաղթել արդյունավետ աշխատանք ու հաջողություններ հանուն Հայաստանի զարգացման, բարեկեցության ու խաղաղության»,- ասված է ՀՀ նախագահի աշխատակազմի տարածած հաղորդագրությունում։
«Անկախության օրը պետության ամենակարևոր տոնն է, իսկ խաղաղության հաստատումը` դիվանագիտության հաղթանակը, այս տոնական օրը մաղթում եմ առաջին հերթին մեր դիվանագետներին, ապա մեզ բոլորիս` այդպիսի հաղթանակներ, մեր ժողովրդին` խաղաղություն ու զարգացում»,- նշել է նախագահը։
Նշվում է, որ նախագահը նաև շրջել է ներկայացուցչության շենքում, ծանոթացել ընդհանուր պայմաններին։
