02.11.2026 | 15:31
ՌԴ-ն ավիառումբերով հարվածել է Իզյումին․ զոհ և վիրավորներ կան
Ադրբեջանի ցամաքային սահմանները փակ կմնան․ COVID-ի կարանտինային ռեժիմը երկարաձգվել է մինչև 2026-ի հունվարի 1-ը
Քաղաքականություն
22.09.2025 | 16:57
Ադրբեջանի իշխանությունները կրկին երկարաձգել են երկրի տարածքում հատուկ կարանտինային ռեժիմը «կորոնավիրուսի համավարակով պայմանավորված»։ Երկրի վարչապետ Ալի Ասադովն Ադրբեջանում հատուկ կարանտինային ռեժիմը երկարաձգելու մասին հրամանագիր է ստորագրել։
Որոշման համաձայն՝ երկրում կորոնավիրուսային վարակի (COVID-19) տարածումը և դրա հնարավոր հետևանքները կանխելու նպատակով Ադրբեջանի տարածքում հատուկ կարանտինային ռեժիմը երկարաձգվել է մինչև 2026 թվականի հունվարի 1-ը, ժամը 06:00-ն:
Այս տարի հունիսին կարանտինային ռեժիմը երկարաձգվել էր մինչև 2025 թվականի հոկտեմբերի 1-ը։
Ադրբեջանի ցամաքային սահմանները փակ են արդեն 5 տարի։ Չնայած Առողջապահության համաշխարհային կազմակերպությունը հայտարարել է աշխարհում COVID-19-ի համաճարակի ավարտի մասին՝ Ադրբեջանում կարանտինային ռեժիմը պարբերաբար երկարաձգվում է։
«Այն, որ վերջին տարիներին մեր ցամաքային սահմանները փակ են մնում, մեզ փրկել է շատ մեծ աղետներից։ Այսօր էլ, երբ սահմանները փակ են մնում, վտանգավոր գործողություններ են իրականացվում, որոնք կասեցվում են։ Ուստի, սահմանների պաշտպանությունը մեզ կպաշտպանի արտաքին ռիսկերից»,- դեռևս նախորդ տարի սեպտեմբերի 23-ին, ելույթ ունենալով 7-րդ գումարման խորհրդարանի առաջին նիստում, հայտարարել էր Իլհամ Ալիևը։
Հավելենք, որ Իրանի ու Իսրայելի միջև ռազմական գործողությունների ֆոնին Բաքուն բացել էր Իրանի հետ սահմանի «Աստարա» անցակետը՝ իր քաղաքացիների ու օտարերկրացիների տարհանման համար։
Թարգմանությունը՝ Էմմա Չոբանյանի
