07.09.2026 | 16:58
Երևանի գերեզմանատան հարակից տարածքում «ԱԿ-47» ինքնաձիգ և փամփուշտներ են հայտնաբերվել
Ղրիմին ուկրաինական ԱԹՍ-ների հարվածի հետևանքով 3 մարդ զոհվել է, 16-ը՝ վիրավորվել
Քաղաքականություն
22.09.2025 | 11:18
Ուկրաինական անօդաչու թռչող սարքերը սեպտեմբերի լույս 22-ի գիշերը հարվածներ են հասցրել Ռուսաստանի կողմից բռնակցված Ղրիմին։ ՌԴ իշխանությունների վերջին տվյալների համաձայն՝ զոհվել է 3 մարդ, վիրավորվել՝ 16-ը, գրում է Meduza-ն։
Ռուսաստանի Պաշտպանության նախարարությունը պնդում է, թե «ֆուգասային մարտագլխիկներով» զինված անօդաչու թռչող սարքերը հարձակվել են հանգստավայրի տարածքում գտնվող քաղաքացիական թիրախների վրա։
Մասնավորապես, բռնակցված Ղրիմի ղեկավար Սերգեյ Աքսյոնովը հայտարարել է, որ վնասվել են «Ֆորոս» առողջարանի տարածքում գտնվող մի քանի օբյեկտներ, ինչպես նաև դպրոցի շենքը։
ՌԴ ՊՆ-ի տվյալներով՝ սեպտեմբերի լույս 22-ի գիշերը Ռուսաստանի մարզերի և Ղրիմի վրայով խոցվել է ուկրաինական 114 անօդաչու թռչող սարք։ 25 անօդաչու թռչող սարք ոչնչացվել է Ռոստովի մարզի և Կրասնոդարի երկրամասի, 19-ը՝ Բելգորոդի և 13-ը՝ Աստրախանի մարզի վրա։
Ուկրաինական կողմը Ղրիմի տարածքում հարվածը դեռևս չի մեկնաբանել։
Թարգմանությունը՝ Էմմա Չոբանյանի
