12.09.2026 | 10:04
ՀՀ տարածքում ավտոճանապարհներն անցանելի են
275 մլն դրամ` ԱԺ-ին. հայտնի է` ինչ նպատակով են ծախսվելու միլիոնները
Հասարակություն
11.09.2025 | 11:08
Ներկայացուցչական ծախսերի կատարման համար ՀՀ Ազգային Ժողովին կառավարության որոշմամբ 275 մլն դրամ կհատկացվի։ Այս գումարը նախատեսված է մինչ այս պահը անցկացված միջոցառումների և մինչև տարեվերջ կայանալիք միջոցառումների համար։
Մասնավորապես, 134 մլն դրամ է արժեցել Հյուսիսային Եվրոպայի և Բալթյան երկրների խորհրդարանների բարձր ներկայացուցիչների, ինչպես նաև՝ Վիետնամի Սոցիալիստական Հանրապետության Ազգային ժողովի նախագահի գլխավորած պատվիրակության ընդունելությունը և համապատասխան բիզնես ֆորումը։
Բացի այս սեպտեմբեր-հոկտեմբեր ամիսներին նախատեսվում է Արևելյան գործընկերության խորհրդարանական վեհաժողովի անցկացում, որի համար անհրաժեշտ է 20 մլն դրամ։ Այս պահին ԱԺ-ի բյուջեում 4 մլն 100 հազար դրամ է մնացել` ներկայացուցչական ծախսերի համար։
Այժմ առաջարկվում է «ՀՀ Ազգային ժողովի տեխնիկական հագեցվածության բարելավում» միջոցառման և «Վարչական սարքավորումներ» հոդվածի ժամանակավոր ազատ ֆինանսական միջոցներից՝ 160 մլն դրամի չափով հատկացնել ներկայացուցչական ծախսերի համար, որից 20 մլն դրամը ուղղել վեհաժողովի անցկացման համար անհրաժեշտ ծախսերի կատարմանը, իսկ 140 մլն դրամը՝ մինչև տարեվերջ նախատեսված այլ ներկայացուցչական ծախսերի իրականացմանը։
