22.05.2026 | 10:09
Ռոնալդուի դուբլն օգնել է «Ալ Նասրին» դառնալ Սաուդյան Արաբիայի չեմպիոն․ ՏԵՍԱՆՅՈՒԹ
Բայրամովը Բաքվում ԵՄ նոր դեսպանի հետ քննարկել է վաշինգտոնյան համաձայնագրերը
Քաղաքականություն
09.09.2025 | 21:31
Ադրբեջանի արտաքին գործերի նախարար Ջեյհուն Բայրամովը ընդունել է Բաքվում Եվրոպական Միության պատվիրակության նոր ղեկավար Մարյանա Կույունջիչին։
Ադրբեջանի ԱԳՆ հաղորդմամբ` Կույունջիչը Բայրամովին է հանձնել իր նշանակման մասին նամակը։
Հանդիպման ընթացքում մտքերի փոխանակում է տեղի ունեցել Ադրբեջանի և ԵՄ-ի միջև տարբեր ոլորտներում համագործակցության հարցերի շուրջ, այդ թվում՝ քաղաքական, տնտեսական, էներգետիկ, տրանսպորտի և կապի, հումանիտար և այլ ոլորտներում։ Ընդգծվել է Ադրբեջանի կողմից ԵՄ-ի հետ իրականացվող համատեղ էներգետիկ նախագծերի կարևորությունը։
Բայրամովը դեսպանին մանրամասն տեղեկացրել է «հետհակամարտային շրջանում տարածաշրջանում առկա իրավիճակի և իրողությունների մասին» ։
«Նշվել է Վաշինգտոնում կայացած հանդիպման ժամանակ ձեռք բերված համաձայնագրերի կարևորությունը մեր երկրի կողմից նախաձեռնված խաղաղության օրակարգի առաջխաղացման համար, ինչպես նաև խաղաղության պայմանագրի նախաստորագրման և ԵԱՀԿ Մինսկի գործընթացը և դրան առնչվող կառույցները լուծարելու որոշման նշանակությունը»,- ասվում է հայտարարության մեջ։
Կույունջիչը շնորհակալություն է հայտնել ընդունելության համար և նշել, որ իր գործունեության ընթացքում կգործադրի բոլոր ջանքերը Ադրբեջան-ԵՄ օրակարգի առաջխաղացման համար։
Թարգմանությունը` Էմմա Չոբանյանի
