29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
ՌԴ-ն ուզում է զորքեր մտցնել Սյունիք, որ Ադրբեջանի հետ կոնֆլիկտը ԼՂ-ից բերի ՀՀ․ եթե հաջողի՝ կդառնանք գուբերնիա․ Ստեփան Գրիգորյան. ՏԵՍԱՆՅՈՒԹ
Քաղաքականություն
09.09.2025 | 21:00
Քաղաքագետ Ստեփան Գրիգորյանը Factor TV-ի հետ զրույցում ասում է, որ ԱՄՆ-ի ակտիվ ներգրավմամբ Հայաստանի համար նոր հնարավորություն է բացվել հասնելու ռեգիոնալ ապաշրջափակման․ «ԱՄՆ-ի գալով Հայաստան՝ շանս է ստեղծվել, որ Թուրքիան բացի սահմանը։ Սերդար Քըլըչը Երևանում հենց այդ հարցն է քննարկելու»։
Գրիգորյանի խոսքով՝ Ռուսաստանը փորձում է խաթարել այս գործընթացները․ «ՌԴ հատուկ ծառայությունները և նրանց օգտակար ապուշները սուտ են տարածում, թե, իբր, ԱՄՆ-ն Թուրքիային բերում է Հայաստան։ Իրականում Էրդողանի և Թրամփի միջև կան լուրջ հակասություններ Իսրայելի պատճառով։ Այդքան խնդիրների պարագայում ո՞նց կարող է ԱՄՆ-ն թուրքական շահերի սպասարկմամբ զբաղվել։ Կեղծ լուրեր են տարածում»։
Նա խիստ քննադատեց ռուսամետ շրջանակներին․ «Չեն հասկանում, որ Ռուսաստանը վտանգ է Հայաստանի համար։ Դա արդեն ազգի դավաճանություն է։ Ի՞նչ թրքացում, ի՞նչ հեքիաթներ են հորինում։ Իրականում սպասարկում են ռուսական շահերը»։
Քաղաքագետի խոսքով՝ Մոսկվան ունի նպատակ՝ վերահսկողություն հաստատել Հայաստանի հարավի նկատմամբ և այն հետագայում առուծախի առարկա դարձնել Թուրքիայի և Ադրբեջանի հետ․ «ՌԴ-ն ուզում է ԱԴԾ զորքեր տեղակայել Սյունիքում, որպեսզի հայ-ադրբեջանական կոնֆլիկտը ԼՂ-ից տեղափոխվի այնտեղ։ Դա կնշանակի, որ Հայաստանը կդառնա գուբերնիա, կկորցնի սուվերենությունը։ Հետո Ռուսաստանը Սյունիքը կծախի թուրքերին, ինչպես ԼՂ-ն ծախեց Ադրբեջանին»։
Գրիգորյանը նկատեց, որ ադրբեջանական կողմը լարված է, քանի որ կորցնում է ՀՀ-ի դեմ ագրեսիվ գործելու հնարավորությունները․ «Ալիևը նյարդային է, քանի որ ԱՄՆ-ն փակեց պատերազմով հարց լուծելու ռիսկը։ Նոր պահանջներ ներկայացնել Հայաստանի դեմ շատ ավելի դժվար է»։
Նա նաև զգուշացրեց ռուսամետ ուժերի հնարավոր բացասական ներգործության մասին՝ առաջիկա քաղաքական գործընթացների ժամանակ․ «ՌԴ-ին ենթակա պրոռուսական ուժերը վտանգ են Հայաստանի համար։ Նրանք հիբրիդային պատերազմի գործիքներ են և կփորձեն ազդել 2026-ի ընտրությունների վրա։ Իշխանությունը պետք է բացահայտի Ռուսաստանից ֆինանսավորվող այդ ուժերին»։
Հարցազրույցն ամբողջությամբ՝ տեսանյութում։
Ռոբերտ Անանյան
