23.06.2026 | 14:53
Բաքուն ԱՄՆ Կոնգրեսում Հայաստանի կողմից, իբր, «ադրբեջանցիների էթնիկ զտումների» մասին համաժողով է նախաձեռնել
Շատ բանկեր հրաժարվում են արցախցիներին վարկ տալ․ Գառնիկ Դանիելյան․ ՏԵՍԱՆՅՈՒԹ
09.09.2025 | 11:17
«Հայաստանում շատ բանկեր հրաժարվում են վարկ տրամադրել արցախցիներին պատճառաբանելով, որ ինչ-որ մի պահի Արցախում ունեցել են վարկային պարտավորություններ»,- Ազգային ժողովում խնդիրը բարձրաձայնեց «Հայաստան» խմբակցության պատգամավոր Գառնիկ Դանիելյանը՝ դիմելով Կենտրոնական բանկի նախագահ Մարտին Գալստյանին։
Նա հետաքրքրվեց, թե ի՞նչ գործիքակազմ պետք է կիրառի ԿԲ-ն, ի՞նչ հնարավորություններ կան, որպեսզի արցախիցները կարողանան վարկ վերցնել։
ԿԲ նախագահը նշեց, որ դա համակարգային խնդիր չէ, եթե նման հարց լիներ, ինքը տեղյակ կլիներ, հնարավոր է՝ առանձին դեպքեր են։
«Մեծ հաշվով 2020 թվականի պատերազմից հետո բանկային համակարգը փորձում է անընդհատ օգնել թե՛ պատերազմի մասնակիցներին, թե՛ զոհվածաների ընտանիքներին, թե՛ վիրավորներին, թե՛ Արցախից տեղահանված մեր հայրենակիցերին։ Փորձում ենք սիստեմատիկ ձևով հարցեր լուծել, բայց դա բնավ չի ենթադրում, որ չեն կարող լինել առանձին դեպքեր, որոնց վերաբերյալ անհատական մոտեցումներ են պետք ցուցաբերել»,- պարզաբանեց Գալստյանը։
Մանրամասները՝ տեսանյութում։
Մանյա Պողոսյան
