14.09.2026 | 21:13
Oգոստոսի կլիմայական պայմանները Հայաստանում
Պակիստանը կճանաչի Հայաստանը ՄԱԿ-ի անդամ, որի համար կանաչ լույս կստանա ԵՏՄ-ին անդամակցության հարցում․ ՏԱՍՍ
Քաղաքականություն
09.09.2025 | 10:52
Պակիստանը մտադիր է ճանաչել Հայաստանը որպես ՄԱԿ-ի անդամ պետություն, որի համար կստանա Եվրասիական տնտեսական միությանը (ԵՏՄ) միանալու կանաչ լույս։ Այս մասին հայտնել են ՏԱՍՍ-ի աղբյուրները։
«Պակիստանն իսկապես պլանավորում է դա անել, և որպես փոխադարձ քայլ՝ կոնսենսուս ստանալ ԵՏՄ-ին միանալու հարցի շուրջ», – ասել է ՄԱԿ-ում գործակալության զրուցակիցներից մեկը։
Մեկ այլ դիվանագիտական աղբյուր նշել է, որ համապատասխան ընթացակարգերը կարող են տևել մի քանի շաբաթից մինչև մի քանի ամիս։
«Ամեն դեպքում, սա կանխատեսելի հեռանկար է», – հավելել է աղբյուրը։ Նա նաև ընդգծել է, որ Հայաստանի և Ադրբեջանի միջև խաղաղության պայմանագրի նախաստորագրումը որևէ խոչընդոտ չի թողել այս հարցում։
Նախօրեին էլ ՌԴ ԱԳ նախարար Սերգեյ Լավրովը հայտարարել էր, որ ռուսական կողմը ողջունում է Հայաստանի և Պակիստանի միջև շփումների վերսկսումը՝ այն անվանելով «քայլ առաջ»։
Հիշեցնենք, որ ՀՀ ԱԳ նախարար Արարատ Միրզոյանը Չինաստանում Շանհայի համագործակցության կազմակերպության գագաթնաժողովի շրջանակներում հանդիպում էր ունեցել Պակիստանի Իսլամական Հանրապետության փոխվարչապետ և ԱԳ նախարար Մոհամմադ Իշաք Դարի հետ։ Նրանք ստորագրել էին Հայաստանի և Պակիստանի միջև դիվանագիտական հարաբերություններ հաստատելու մասին համատեղ կոմյունիկե։ Փաստաթղթի ստորագրմամբ Հայաստանը և Պակիստանը հաստատում են դիվանագիտական հարաբերություններ։
Էմմա Չոբանյանի
