02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Թրամփը չի մասնակցի G20 գագաթնաժողովին, իսկ 2026-ին այն կկայանա Մայամիի մոտ գտնվող իր գոլֆի ակումբի տարածքում
Քաղաքականություն
06.09.2025 | 13:35
ԱՄՆ նախագահ Դոնալդ Թրամփը ուրբաթ՝ սեպտեմբերի 5-ին, հայտարարեց, որ չի մասնակցի G20 գագաթնաժողովին, որը կկայանա Հարավային Աֆրիկայում նոյեմբերի 22-ին և 23-ին։ Սպիտակ տան ղեկավարի փոխարեն G20-ի առաջնորդների հանդիպմանը կմասնակցի փոխնախագահ Ջ.Դ. Վենսը․ գրում է DW-ի ռուսական ծառայությունը։
2026 թվականի G20 գագաթնաժողովը կկայանա Մայամիում՝ Թրամփի գոլֆի հանգստավայրում։
Թրամփի խոսքով՝ 2026 թվականի G20 գագաթնաժողովը կկայանա դեկտեմբերին՝ Մայամիի մոտ գտնվող Դորալ քաղաքում գտնվող իր գոլֆի ակումբի և հանգստավայր-հյուրանոցային համալիրի տարածքում։
«Այո՛, այն կանցկացվի Դորալում։ Բոլորը ցանկանում են, որ այն այնտեղ լինի, քանի որ այն օդանավակայանի կողքին է, այն լավագույն վայրն է, այն գեղեցիկ է», – ԱՄՆ նախագահի խոսքերն է մեջբերում AFP-ն։ Հանրապետականը շեշտել է, որ ինքը գումար չի վաստակի հանդիպման կազմակերպումից։ «Սա այնպիսի համաձայնագիր է, որտեղ փողի մասին խոսք չկա», – նշել է նա։
Թրամփը նաև ասել է, որ ուրախ կլինի ԱՄՆ-ում G20 գագաթնաժողովում հյուրընկալել Ռուսաստանի նախագահ Վլադիմիր Պուտինին և Չինաստանի նախագահ Սի Ցզինպինին։
Թարգմանությունը՝ Անահիտ Խաչատրյանի
