06.07.2026 | 23:00
Սևանա լճի մակարդակը մեկ շաբաթում բարձրացել է 2 սմ-ով
Հովհաննես Ավետիսյանի ասուլիսը՝ ՈՒՂԻՂ
Քաղաքականություն
06.09.2025 | 11:22
«Սրբազան պայքար» շարժման առաջնորդ Բագրատ արքեպիսկոպոս Գալստանյանի մասնակցությամբ հայտնի ձայնագրության մեջ նրա հետ զրուցող Հովհաննես Ավետիսյանը ասուլիս է հրավիրել՝ ձայնագրության վերաբերյալ պարզաբանումներ ներկայացնելու համար։
Անդրադառնալով իր և Բագրատ Գալստանյանի միջև երկու անձի գյուլլելու մասին խոսակցությանը՝ Ավետիսյանը նշում է, որ այն մեծ աղմուկ է բարձրացրել։
«Այն ներկայացվել էր որպես ժողովրդի և իշխանությունների դեմ կազմակերպվող ահաբեկչություն։ Նույնիսկ ամբողջական ձայնագրության հրապարակումից հետո իշխանության որոշ ներկայացուցիչներ շարունակում են հանրային տեղեկատվական հարթակներում զրույցը ներկայացնել ծրագրվող տեռորի համատեքստում, ինչը որևէ աղերս չունի ճշմարտության հետ։ Այս մտքին կարող է հանգել ցանկացած բանական և ռացիոնալ մարդ, որ կլսի այս երկխոսությունը։
Հաշվի առնելով, որ մոնտաժված և հարմարեցված ձայնագրությունները թարգմանվել են նաև անգլերեն և իմ անունը նույնպես տարբեր հարթակներում շահարկվում է, այսօր բաց նամակ եմ ուղղել Հայաստանի Հանրապետությունում օտարերկրյա դիվանգիտական որոշ ներկայացուցչությունների, որով այս ապօրինությունների շարունակականությունը կանխելու կոչ եմ արել (քանի որ օրվա իշխանությունների վրա ունեն մեծ ազդեցություն) և նաև խնդրել եմ իրենց ներկայացուցիչներն ունենալ սեպտեմբերի 10-ից սկսվող դատական պրոցեսին։
Միաժամանակ, այս գործով առկա հարցերի վերաբերյալ պլանավորել եմ մամուլի ասուլիս ունենալ, որին նրանց նույնպես հրավիրել եմ»,- հայտնել է Հովհաննես Ավետիսյանը։
