27.06.2026 | 21:49
Վուչիչը հայտարարել է նախագահի պաշտոնում իր «վերջին օրերի» մասին
Կադաստրի կոմիտեն առաջարկում է դատական համակարգում գույքի վերաբերյալ որոշումները ներկայացնել էլեկտրոնային եղանակով․ ՏԵՍԱՆՅՈՒԹ
Հասարակություն
03.09.2025 | 13:27
ՀՀ կադաստրի կոմիտեի ղեկավար Սուրեն Թովմասյանը ԱԺ պետաիրավական հարցերի մշտական հանձնաժողովի նիստում ներկայացրեց ««Գույքի նկատմամբ իրավունքների պետական գրանցման մասին» օրենքում լրացումներ և փոփոխություններ կատարելու մասին» օրենքի նախագիծը:
Նախագծով նախատեսվում է 2026 թվականի հունվարի 1-ից հետո Կադաստրի կոմիտե ներկայացված և կազմված բոլոր փաստաթղթերը պահել միայն էլեկտրոնային եղանակով վարվող կադաստրային գործում:
«Դատական մարմիններին վերաբերող հատվածը բաց էր մնացել։ Այսինքն, այն կտորը, որ դատարաններում որոշումներով հնարավոր էր որևէ գույքի կամ օբյեկտի, կամ սուբյեկտի նկատմամբ որևէ սանկցիա կիրառել, մնացել էր թղթային առաքմամբ մեթոդաբանությամբ։ Այս օրենքի նախագիծը միտված է, որպեսզի դատական համակարգերում որևէ գույքի, կամ անշարժ գույքի կամ գործողությամբ վերաբերյալ որոշումների առկայության պարագայում, դրանք ևս այն էլեկտրոնային համակարգով ներկայացվեն, որը ներդրված է Կադաստրի կոմիտեում, մինչև բոլորը կունենան իրենց թվային համակարգերը»,- նախագիծը ներկայացնելու ժամանակ ասաց Կադաստրի կոմիտեի նախագահ Սուրեն Թովմասյանը։
Օրենքի նախագիծը հանձնաժողովի կողմից դրական եզրակացություն ստացավ։
Մանրամասները՝ տեսանյութում։
