08.08.2026 | 12:17
15 հազար դրամի դիմաց՝ բանկային տվյալներ․ հերթական զեղծարարությունը
ՀՀ ԱԳՆ գլխավոր քարտուղարը հանդիպել է «Բլեդ ռազմավարական համաժողովի» վարչության պետի հետ
Քաղաքականություն
02.09.2025 | 21:12
Սեպտեմբերի 1-ին «Բլեդ ռազմավարական համաժողովի» շրջանակներում ՀՀ ԱԳ նախարարության գլխավոր քարտուղար Դավիթ Կարապետյանը հանդիպում է ունեցել համաժողովի վարչության պետ Պետեր Գրկի հետ: Զրուցակիցները քննարկել են նաև «Երևանյան երկխոսության» և «Բլեդ ռազմավարական համաժողովի» միջև համագործակցության համատեղ հուշագրի ստորագրման հնարավորությունը։
«Հանդիպման ընթացքում զրուցակիցները անդրադարձ են կատարել տարածաշրջանային և աշխարհաքաղաքական վերջին զարգացումներին: Դավիթ Կարապետյանը ներկայացրել է Հայաստանի և Ադրբեջանի միջև հարաբերությունների կարգավորման գործընթացում Վաշինգտոնում ձեռքբերված համաձայնությունների մանրամասներն ու տարածաշրջանում տևական խաղաղության հասնելու ուղղությամբ Հայաստանի կողմից գործադրված ջանքերը:
Կողմերն անդրադարձել են երկուստեք հետաքրքրություն ներկայացնող մի շարք հարցերի ու կիսվել բարձր մակարդակի համաժողովների կազմակերպման կուտակած փորձով: Զրուցակիցները քննարկել են նաև «Երևանյան երկխոսության» և «Բլեդ ռազմավարական համաժողովի» միջև համագործակցության համատեղ հուշագրի ստորագրման հնարավորությունը»,-ասված է ՀՀ ԱԳՆ-ի տարածած հաղորդագրության մեջ:
