Քաղաքականություն
02.09.2025 | 19:00Հայ ազգային կոնգրեսի փոխնախագահ Լևոն Զուրաբյանը հանցագործության մասին հաղորդում է ներկայացրել ՀՀ Գլխավոր դատախազություն Նիկոլ Փաշինյանի այս արտահայտության վերաբերյալ․ «Կառավարությունում չի կարող որևէ մեկը իմ դիրքորոշմանը հակասող դիրքորոշում ունենալ: Կառավարությունը ես եմ: Եթե մարդիկ կան, որ իմ դիրքորոշմանը հակասող դիրքորոշում ունեն, թող դիմում գրեն ու շենքերից դուրս գան: Եթե ոչ, ես ինքս նրանց կհանեմ»։
Factor TV-ի հետ զրույցում Լևոն Զուրաբյանն ասում է, որ այս պնդումով Նիկոլ Փշաինյանը չարաշահել է իր լիազորությունները, հետևաբար, իր կարծիքով՝ պետք է քրեական պատասխանատվության արժանանա։
«Փաշինյանը քրեորեն պատժելի արարք է կատարել, որը պատժվում է ազատազրկմամբ․ վարչապետի լիազորությունը գերազանցել է։ Թող Դատախազությունը հանցագործություն կատարի, և մերժի Փաշինյանին քրեական պատասխանատվության կանչելը»,- ասաց Զուրաբյանը։
ՀԱԿ փոխնախագահը խոսել է նաև Լեռնային Ղարաբաղի հարցով նախկինում զիջումներ չանելու պատճառների մասին Նիկոլ Փաշինյանի հայտարարության, Վաշինգտոնում ՀՀ-ի և Ադրբեջանի նախաստորագրած խաղաղության համաձայնագրի կատարման հավանականության և առկա ռիսկերի, Թրամփի ուղի տրանսպորտային նախագծի իրականացման մանրամասների, միջանցքային տրամաբանության առկայության կամ բացակայության հարցի, հարակից այլ թեմաների մասին։
Հարցազրույցն ամբողջությամբ՝ տեսանյութում։
Ռոբերտ Անանյան
