20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
ԱԺ-ի ընդդիմությունն իշխանության արհեստական թթվածինն է․ ՀՀ-ում համաձայնեցված խմբիշխանություն է․ Սուրեն Պետրոսյան․ ՏԵՍԱՆՅՈՒԹ
Քաղաքականություն
02.09.2025 | 21:00
«Ժողովրդավարական համախմբում» կուսակցության նախագահ Սուրեն Պետրոսյանը, երբ դադարեցրեց Բագրատ արքեպիսկոպոս Գալստանյանի ղեկավարած շարժմանն իր մասնակցությունը, ասաց՝ ԱԺ ընդդիմության գոյությունը հակաիշխանական պայքարի տապալման հիմքն էր։ Այսօր արքեպիսկոպոսը բանտում է՝ հեղաշրջման կազմակերպման մեղադրանքներով, ընդդիմությունն Արցախ վերադարձի լոզունգներով հանրահավաք է անում, և խոստանում իշխանափոխություն։ Ո՞րն է նրա գնահատականը ներքաղաքական իրադարձություններին։
Factor TV-ի հետ զրույցում Սուրեն Պետրոսյանը ասում է, որ ընդդիմադիր շարժման տապալման միակ պատճառն ԱԺ-ի ընդդիմությունն է։
«ԱԺ-ի ընդդիմությունն իշխանության արհեստական թթվածինն է, ՀՀ-ում համաձայնեցված խմբիշխանություն է։ Նոնսենս է, որ այս ԱԺ ընդդիմությունը հսկա ֆինանսական ռեսուրսներ ունի, բայց հակապետական և ապաշնորհ է, ինչպես իշխանությունը։ Ընդդիմությունն արմագեդոն է ներկայացնում Փաշինյանի ամեն ապապետական քայլը, որ ՀՀ-ն կործանվելու է, դա տեղի չի ունենում և, ի վերջո, իշխանությունը հաղթում է։ Իշխանությունը տապալվել է՝ պիտի հեռանա, բայց ընդդիմությունը պայքարում է իր ունեցվածքը պահելու համար, ուրիշ ոչինչ։ Նրանք դարձան Փաշինյանի հակապետական քայլերի երաշխավորը, նա անխոչընդոտ մարսում է իր արածները։ Մարդիկ միտինգի չեն գնում, ասելով՝ եթե Փաշինյանը հեռանա, այլընտրանքը ԱԺ ընդդիմությունն է»,- ասաց Սուրեն Պետրոսյանը։
Հարցազրույցն ամբողջությամբ՝ տեսանյութում։
Ռոբերտ Անանյան
