12.09.2026 | 10:41
Լիբանանի նախագահը հանդիպել է ՀՀ դեսպանին
Արցախի էջը փակված չէ, մեր պայքարը շարունակվում է․ Իշխան Սաղաթելյան. ՏԵՍԱՆՅՈՒԹ
Քաղաքականություն
02.09.2025 | 14:23
Արցախի էջը փակված չէ և չի կարող փակված համարվել։ Քանի դեռ արցախահայությունը զրկված է իր հայրենիքում ազատ ու անվտանգ ապրելու իրավունքից, մեր պայքարը շարունակվում է։ «Արցախ․ չկարգավորված հակամարտություն, վերադարձի իրավունք» խորագրով խորհրդաժողովի բացմանն ունեցած ելույթում այս մասին հայտարարեց ՀՅԴ Հայաստանի Գերագույն մարմնի ներկայացուցիչ, ԱԺ «Հայաստան» խմբակցության անդամ Իշխան Սաղաթելյանը։
«Մեր մոտեցումը շատ պարզ է՝ ուժի կիրառմամբ կամ ուժի սպառնալիքով պարտադրված որևէ փաստաթուղթ չի կարող համարվել լեգիտիմ։ Արցախի ճակատագրի շուրջ կայացված ոչ մի որոշում չի կարող ունենալ իրավական ու քաղաքական ուժ առանց արցախահայության անմիջական մասնակցության։ Վերադարձի և ինքնորոշման իրավունքը հիմնարար իրավունքներ են, որոնք չեն կարող անտեսվել կամ առևտրի առարկա դառնալ»,- ասաց Սաղաթելյանը։
Նրա խոսքով՝ Արցախի հակամարտությունը չի կարող կարգավորված համարվել, քանի դեռ արցախցիները հաստատակամ են շարունակելու իրենց իրավունքների համար պայքարը։
Մանրամասները՝ տեսանյութում։
