16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Խորհրդարանում հյուրընկալվել է Շվեդիայի Ռիկսդագի աշխատանքային խումբը
Քաղաքականություն
01.09.2025 | 20:13
ՀՀ ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանը սեպտեմբերի 1-ին հանդիպել է Հայաստանի Հանրապետության Ազգային ժողովի եւ Շվեդիայի Թագավորության Ռիկսդագի միջեւ ժողովրդավարական համագործակցության զարգացման ծրագրի շրջանակում մեր երկիր ժամանած Շվեդիայի Ռիկսդագի աշխատանքային խմբի անդամների հետ:
Ինչպես հայտնում են ՀՀ ԱԺ-ից, հանդիպմանը մասնակցել են հանձնաժողովի անդամներ Ալխաս Ղազարյանը եւ Գեղամ Նազարյանը:
Վլադիմիր Վարդանյանը գործընկերներին ներկայացրել է իր գլխավորած հանձնաժողովի գործունեության ոլորտներն ու ուղղությունները, անդրադարձել օրենսդրական նախաձեռնությունների քննարկման ու ընդունման գործընթացին: Քննարկվել են օրենսդրական դաշտում եւ իրավակիրառ պրակտիկայում հանդիպող խնդիրները:
Մտքեր են փոխանակվել նաեւ Հայաստանի եւ Շվեդիայի խորհրդարանների աշխատանքի առանձնահատկությունների ու նմանությունների մասին:
