12.01.2026 | 19:53
Մեկնարկում է շախմատի Հայաստանի առաջնությունը․ առաջին տուրի զույգերը հայտնի են
ՌԴ-ն ի՞նչ երեսով պիտի ՀՀ-ին պարտադրի՝ իրեն միջանցք տալ․ հետ քաշեցիք ձեր զորքը, երբ Ադրբեջանը գրավեց ՀՀ-ի տարածքը․ Արսեն Խառատյան․ ՏԵՍԱՆՅՈՒԹ
Քաղաքականություն
01.09.2025 | 19:15
«Ալիք մեդիա»-ի հիմնադիր Արսեն Խառատյանը Factor TV-ի հետ զրույցում տեսակետ է հայտնում, որ ՌԴ-ն կորցրեց Հայաստանն ու Ադրբեջանը՝ խաղադրույք անելով Բաքվի վրա, ինչի հետևանքը տարածաշրջանում նրա ազդեցության նվազումն է և Սյունիքում ԱՄՆ-ի լուրջ ներկայության հնարավոր հաստատումը ապաշրջափակման միջոցով։
«ՌԴ-ն կոշտ, նյարդային չարձագանքեց Սյունիքում ԱՄՆ-ի հնարավոր ներկայությանը։ Հայաստանի քաղաքականությունն այնպես պետք է լինի, որ Արևմուտքի հետ ինտեգրացիայի գործընթաց լինի՝ առանց ՌԴ-ի կացնային հարվածների արժանանալու»,- ասաց Արսեն Խառատյանը։
Ըստ նրա՝ ձախողվեցին ՌԴ-ի հաշվարկները, և այսօր նա կորցնում է մեր տարածաշրջանը։ Ուկրաինայի դեմ ՌԴ-ի պատերազմը ձգվեց 3,5 տարի՝ 2 շաբաթվա փոխարեն, և այսօր ռազմարդյունաբերությունը խնդիրներ ունի՝ չի հասցնում զենք արտադրել։ Արսեն Խառատյանի պնդմամբ՝ ԱՄՆ պատվիրակություն կգա Հայաստան՝ ապաշրջափակման հարցը քննարկելու։
Նա խոսել է նաև իր դիրքերի թուլացման հետագա ընթացքը կանխարգելելու նպատակով ՌԴ-ի կողմից հնարավոր քայլերի, ՀՀ-ի ներքաղաքական գործընթացների միջամտելու հնարավոր գործիքակազմերի, Հայաստանի քաղաքական դաշտում պրոռուսական նարատիվներով տարատեսակ ուժերի դիրքավորման, Արցախի վերադարձի և Նոյեմբերի 9-ի հայտարարությանը վերադառնալու լոզունգներով հանդես եկող ուժերի մոտիվների և քաղաքական շանսերի, Փաշինյանի կառավարության՝ ժողովրդավարության վտանգման ռիսկեր պարունակող քայլերի, հարակից այլ թեմաների մասին։
Հարցազրույցն ամբողջությամբ՝ տեսանյութում։
Ռոբերտ Անանյան
