20.08.2026 | 18:00
Ունենք նոր թեկնածուներ, որոնց անունները չենք ցանկանում տալ. Տիգրան Աբրահամյան․ ՏԵՍԱՆՅՈՒԹ
Ամենազոր ՌԴ-ն այլևս չկա, կոպիտ սխալվեց Ուկրաինայի վրա հարձակվելով․ չկարողացավ դեմ գնալ ՀՀ-ԱՄՆ պայմանագրին․ Արմեն Մարտիրոսյան․ ՏԵՍԱՆՅՈՒԹ
Քաղաքականություն
01.09.2025 | 20:00
«Ժառանգություն» կուսակցության վարչության նախկին անդամ Արմեն Մարտիրոսյանը Factor TV-ի հետ զրույցում ոչ լավատեսական գնահատական է հնչեցնում հայ-ադրբեջանական հարատև խաղաղության հարցի շուրջ։
«ՀՀ-ի և Ադրբեջանի միջև զինադադար կլինի, բայց ո՛չ երկարաժամկետ խաղաղություն։ Թուրքիան և Ադրբեջանը միտված են զսպել հայկական գործոնը տարածաշրջանում։ ԱՄՆ-ի մուտքը ՀՀ դրական է, բայց Թրամփին զանգելն ամենաշատը 3 տարի կաշխատի, երկարաժամկետ չէ խաղաղությունը»,- ասաց նա։
Ըստ Մարտիրոսյանի՝ ԱՄՆ-ի հետ ՀՀ-ի պայմանագիրը դրական է՝ տեխնոլոգիական և էներգետիկ զարգացում կլինի, բայց հայկական կողմն ավելին կարող էր ստանալ։
«ՌԴ-ն էլ ագրեսիվ չէ ՀՀ-ԱՄՆ փաստաթղթի դեմ և, կարծես, ապաշրջափակման ամերիկյան պլանը դեմ չէ իր շահերին։ Ամենազոր ՌԴ-ն այլևս չկա, կոպիտ սխալվեց Ուկրաինայի վրա հարձակվելով․ չկարողացավ դեմ գնալ ՀՀ-ԱՄՆ պայմանագրին»,- ասաց Արմեն Մարտիրոսյանը։
Նա խոսել է նաև տարածաշրջանում տնտեսական գործակցության հնարավորությունների, պատերազմի բացառման հավանականության, Հայաստանի և ԱՄՆ-ի, ԵՄ-ի հարաբերությունների խորացման ճանապարհների, Հայաստանի անվտանգային խնդիրների, հարակից այլ թեմաների մասին։
Հարցազրույցն ամբողջությամբ՝ տեսանյութում։
Ռոբերտ Անանյան
