14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Ալիևը ՇՀԿ նիստում դարձյալ «Զանգեզուրի միջանցք» եզրույթն է կիրառել
Քաղաքականություն
01.09.2025 | 17:54
Ադրբեջանը Եվրասիայի տրանսպորտային և լոգիստիկ կենտրոններից մեկն է, մենք ակտիվորեն զարգացնում ենք միջազգային տրանսպորտային միջանցքները և ստեղծում ժամանակակից ենթակառուցվածքներ։ Արևելք-Արևմուտք և Հյուսիս-Հարավ միջանցքները բացել են նոր տնտեսական և տրանսպորտային հեռանկարներ։ Այս մասին հայտարարել է Ադրբեջանի նախագահ Իլհամ Ալիևը Չինաստանի Տյանցզին քաղաքում «ՇՀԿ+» ձևաչափով հանդիպման ժամանակ ունեցած ելույթում։
Ալիևն իր ելույթում դարձյալ կիրառել է, այսպես կոչված, «Զանգեզուրի միջանցք» եզրույթը։
Նա նշել է, որ վերջերս ձեռք բերված պայմանավորվածությունները, որոնք Ադրբեջանի հիմնական մասը կապում են Նախիջևանի հետ, կնպաստեն միջազգային տրանսպորտի տարանցիկ հնարավորությունների ընդլայնմանը։
«Ես վստահ եմ, որ «Զանգեզուրի միջանցքը» շուտով կդառնա Միջին միջանցքի, ինչպես նաև Հյուսիս-Հարավ միջանցքի ևս մեկ կարևոր հատված, որը կամրապնդի խաղաղությունը, բազմակողմ գործընկերությունը և օգուտ կբերի մեր սահմաններից արևելք, արևմուտք, հյուսիս և հարավ գտնվող Ադրբեջանի բոլոր մոտ և հեռավոր հարևաններին»,- հայտարարել է Ալիևը։
Հիշեցնենք, որ Վաշինգտոնում օգոստոսի 8-ին ստորագրված համաձայնագրերով որևէ «Զանգեզուրի միջանցք» չկա։ Դրանցում նշվում է «Թրամփի երթուղու» (TRIPP) մասին։
Թարգմանությունը՝ Էմմա Չոբանյանի
