12.09.2026 | 11:35
15-ամյան Անի Գևորգյանը սեպտեմբերի 11-ին դուրս է եկել տնից և չի վերադարձել․ ՆԳՆ
ՌԴ փոխվարչապետը վստահություն է հայտնել, որ Երևանը կկշռադատի բոլոր գործոնները՝ նախքան ԵՄ-ի և ԵՏՄ-ի միջև ընտրություն կատարելը
Քաղաքականություն
01.09.2025 | 16:04
Ռուսաստանի փոխվարչապետ Ալեքսեյ Օվերչուկը հայտարարել է, որ Եվրասիական տնտեսական միությունից դուրս գալու կամ Եվրամիությանն անդամակցելու համար Հայաստանի որոշումը պետք է կայացնի բացառապես հայ ժողովուրդը, միաժամանակ բոլոր գործոնները պետք է կշռադատվեն, գրում է Ինտերֆաքսը։
«Վերջերս Նիկոլ Փաշինյանն ասաց, որ անհնար է միաժամանակ լինել ԵՏՄ-ի և ԵՄ-ի անդամ։ Եվ եթե երբևէ նման որոշում կայացվի, ապա վստահ եմ, որ կկշռադատվեն որոշումների կայացման վրա ազդող բազմաթիվ գործոններ՝ այս կամ այն ուղղությամբ»,- լրագրողներին ասել է Օվերչուկը։
Ավելի վաղ Նիկոլ Փաշինյանը հայտարարել էր, որ Երևանը հասկանում է ԵՏՄ-ին և ԵՄ-ին միաժամանակյա անդամակցության անհնարինությունը։
«Երբ գա ընտրության անխուսափելի պահը, մենք կկայացնենք համապատասխան որոշում»,- ասել էր նա՝ նշելով, որ ցանկացած սցենար հնարավոր է, և ամեն ինչ կախված կլինի «հայ ժողովրդի կամքից, իրավիճակի վերլուծությունից, հեռանկարներից և բանակցությունների արդյունքներից»։
Հիշեցնենք, որ օգոստոսի 20-ին Օվերչուկն այցով Հայաստանում էր։ Նա բանակցություններ է անցկացրել նաև Նիկոլ Փաշինյանի հետ։
Թարգմանությունը՝ Էմմա Չոբանյանի
