06.08.2026 | 21:32
Սարյանի պուրակի ծառերից մեկը քամուց կոտրվել է. ՏԵՍԱՆՅՈՒԹ
Փաշինյանի հետ հանդիպմանը Էրդողանը գոհունակություն է հայտնել ՀՀ-Ադրբեջան գործընթացում առաջընթացի կապակցությամբ
Քաղաքականություն
01.09.2025 | 10:30
Շանհայի համագործակցության կազմակերպության գագաթնաժողովի շրջանակում տեղի է ունեցել ՀՀ վարչապետ Նիկոլ Փաշինյանի և Թուրքիայի նախագահ Ռեջեփ Թայիփ Էրդողանի հանդիպումը։ Թուրքիայի նախագահականի հաղորդմամբ՝ հանդիպմանը քննարկվել են Թուրքիա-Հայաստան հարաբերությունները՝ Հարավային Կովկասում երկարատև կայունության և խաղաղության հաստատման ուղղությամբ ձեռնարկված քայլերի լույսի ներքո։
«Նախագահ Էրդողանը գոհունակություն է հայտնել Հայաստանի և Ադրբեջանի միջև խաղաղության գործընթացում ձեռք բերված առաջընթացի կապակցությամբ, ընդգծել Թուրքիայի աջակցությունը տարածաշրջանում խաղաղությանը, կայունությանը և զարգացմանը և ասել, որ Թուրքիան կշարունակի իր ներդրումը գործընթացում»,- ասվում է հաղորդագրության մեջ։
Էրդողանը նաև նշել է, որ քննարկվում են Թուրքիայի և Հայաստանի միջև համագործակցության ընդլայնմանն ուղղված քայլերը։
Ավելի վաղ ՀՀ կառավարությունը հայտնել էր, որ զրուցակիցները կարևորել են տարածաշրջանում կայունության և խաղաղության հաստատմանը միտված քայլերը։
Վարչապետ Փաշինյանը և նախագահ Էրդողանը շեշտել են կառուցողական մոտեցումների պահպանման անհրաժեշտությունը՝ փոխվստահության մթնոլորտի ձևավորման և տարածաշրջանային հաղորդակցությունների զարգացման նպատակով։ Կողմերը պայմանավորվել են շարունակել երկխոսությունը։
Թարգմանությունը՝ Էմմա Չոբանյանի
