05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Անհայտ կորած 21 զինծառայողի ընտանիքները շարունակելու են աջակցություն ստանալ․ ՊՆ-ի նախագիծը
Հասարակություն
31.08.2025 | 12:44
Պաշտպանության նախարարությունը հանրային քննարկման է ներկայացրել Կառավարության 2020 թվականի որոշումներից մեկում փոփոխություններ կատարելու վերաբերյալ նախագիծը, որով նախատեսվում է անհայտ կորած զինծառայողների ընտանիքներին աջակցության տրամադրման ժամկետը երկարաձգել մինչև 2025թ. նոյեմբեր ամիսը ներառյալ:
«․․․Գտնվելու վայրն անհայտ զինծառայողների ընտանիքներին ամենամսյա դրամական վճարի տրամադրումը դադարեցվում է, եթե ամենամսյա դրամական վճարը վճարվել է մինչև 2025 թվականի սեպտեմբեր ամիսը ներառյալ, որի արդյունքում 20.08.2025թ. դրությամբ դեռևս անհայտ բացակայող ճանաչելու մասին դատական ակտեր չունեցող թվով 21 անհայտ կորած համարվող զինծառայողների ընտանիքների աջակցության տրամադրումը դադարեցվելու է 2025թ. հոկտեմբեր 1-ից: Առկա իրողություններով պայմանավորված՝ առաջարկվում է աջակցության վճարման ժամկետը երկարաձգել մինչև 2025 թվականի նոյեմբեր ամիսը ներառյալ»,-նշվում է հիմնավորման մեջ:
Որոշման նախագծի ընդունման դեպքում շահառու հանդիսացող թվով 21 անհայտ կորած զինծառայողի ընտանիքի աջակցության տրամադրման ֆինանսական հաշվարկը 2025 թվականի հոկտեմբեր-նոյեմբեր ամիսների համար կազմում է 12 միլիոն 600 հազար դրամ: Անհրաժեշտ միջոցները նախատեսվում է ներգրավել 2025 թվականի պետական բյուջեով ՀՀ աշխատանքի և սոցիալական հարցերի նախարարությանը հատկացված միջոցների վերաբաշխումների հաշվին:
