04.08.2026 | 17:41
Զելենսկին հայտարարել է Ադրբեջանի ինքնիշխանությանն աջակցելու, Հայաստանի հետ հարաբերությունները վերականգնելու մասին
Իրավապահները խուզարկում են Վարչական դատարանի դատավորներ Արգիշտի Ղազարյանի, Մհեր Պետրոսյանի, Լուսինե Բոյաջյանի աշխատասենյակները
Հասարակություն
29.08.2025 | 17:30
Իրավապահներն այս պահին քննչական գործողություններ են իրականացնում Վարչական դատարանում։ Իրավապահ համակարգում Factor TV-ի աղբյուրների համաձայն՝ ենթադրյալ կաշառքի վերաբերյալ գործով խուզարկություններ են իրականացվում Վարչական դատարանի դատավորներ Արգիշտի Ղազարյանի, Մհեր Պետրոսյանի և Լուսինե Բոյաջյանի աշխատասենյակներում։
Ըստ տեղեկությունների՝ խուզարկություններ են իրականացվել նաև նրանց բնակարաններում։
Գործի շրջանակում ձերբակալված փաստաբան կա, սակայն այս պահին մեզ հայտնի չէ, թե ում մասին է խոսքը։
Հակակոռուպցիոն կոմիտեից ի պատասխան մեր հարցի հաստատեցին, որ դատական իշխանության ներկայացուցիչների բնակարաններում և աշխատասենյակներում խուզարկություններն իրականացվել են առանձնապես խոշոր չափերով կաշառք ստանալու փաստի առթիվ նախաձեռնված քրեական վարույթի շրջանակներում։
«Ձերբակալվել են մի շարք անձինք, այդ թվում՝ փաստաբան։ Նախաքննության շահերից ելնելով՝ այս պահին այլ տեղեկատվություն չենք կարող տրամադրել»- հայտնում են կոմիտեից:
Արաքս Մամուլյան
