24.06.2026 | 05:04
ԱԱ-2026. Խորվաթիան տարավ առաջին հաղթանակը. ՏԵՍԱՆՅՈՒԹ
Հրաձգություն ԱՄՆ Մինեսոտա նահանգում կաթոլիկ դպրոցում․ զոհեր և վիրավորներ կան. ՏԵՍԱՆՅՈՒԹ
Քաղաքականություն
27.08.2025 | 20:41
ԱՄՆ Մինեսոտա նահանգի Մինեանոլիս քաղաքի դպրոցներից մեկում հրաձգություն է տեղի ունեցել։ Քաղաքի Ավետման կաթոլիկ դպրոցում դասասենյակներում երեխաների առավոտյան բաշխման ժամանակ տեղի ունեցած կրակոցների հետևանքով առնվազն երկու մարդ զոհվել է, ևս մեկ տասնյակը՝ վիրավորվել, հայտնում է ABC News-ը։
Քաղաքային իշխանությունների ներկայացուցիչները հայտարարել են, որ կրակողը «ձերբակալվել է, համայնքի համար ակտիվ սպառնալիք չկա»։ Աղբյուրների համաձայն՝ կասկածյալը, ենթադրաբար, մահացել է ինքն իրեն հասցված հրազենային վնասվածքից։
Այս դպրոց են հաճախում նախադպրոցականից մինչև ութերորդ դասարանի աշակերտներ:
«Ես աղոթում եմ մեր երեխաների և ուսուցիչների համար, որոնց դպրոցական առաջին շաբաթը մթագնվեց այս սարսափելի բռնության ակտով»,- սոցիալական ցանցերում գրել է Մինեսոտայի նահանգապետ Թիմ Ուոլցը։
Նա նշել է, որ դեպքի վայրում են նահանգային պաշտոնյաները, ինչպես նաև ՀԴԲ-ի ու ալկոհոլի, ծխախոտի, հրազենի և պայթուցիկ նյութերի բյուրոյի գործակալները։
ԱՄՆ նախագահ Դոնալդ Թրամփը Truth Social-ում գրել է, որ «լիովին տեղեկացված է ողբերգական կրակոցների մասին»։
«Սպիտակ տունը կշարունակի հետևել այս սարսափելի իրավիճակին։ Խնդրում եմ միացեք ինձ՝ աղոթելով բոլորի համար»,- գրել է նա։
Թարգմանությունը՝ Էմմա Չոբանյանի
