14.09.2026 | 19:44
Երևանում մեկնարկել է կայուն տրանսպորտային միջանցքներին նվիրված աշխատաժողով
Հպարտ ենք աջակցելու Կոսովոյում Հայաստանի ներգրավվածությանը. ՀՀ-ում ԱՄՆ դեսպանատուն
Քաղաքականություն
27.08.2025 | 17:22
ԱՄՆ ռազմական կցորդ գնդապետ Քրոուն բարի երթ է մաղթել Կոսովոյում ՆԱՏՕ-ի առաքելության կազմում ծառայության պատրաստվող ՀՀ խաղաղապահ բրիգադի նոր հերթափոխի զինծառայողներին։ Այդ մասին տեղեկանում ենք ԱՄՆ դեսպանության Ֆեյսբուքի էջից:
«2004 թ․ սկսած՝ Հայաստանը մշտապես ներկայացված է եղել ՆԱՏՕ-ի Կոսովոյի ուժերի կազմում՝ ի ցույց դնելով տարածաշրջանային խաղաղության ու կայունության հարցում իր հանձնառությունը։ Հայաստանը շարունակում է մնալ Կոսովոյի ուժերում առավել մեծ ներկայացվածություն ունեցող ՆԱՏՕ-ի անդամ չհանդիսացող երկիրը՝ գերազանցելով մի քանի ՆԱՏՕ-ի և ԵՄ-ի անդամ երկրների։
Այս կայուն մոտեցումն ընդգծում է Հայաստանի՝ որպես հուսալի գործընկերոջ դերակատարումը տարածաշրջանային անվտանգային գործողություններում և վերջինիս՝ դաշնային ուժերի հետ կողք կողքի աշխատելու պատրաստակամությունը։
ՀՀ-ում ԱՄՆ դեսպանությունը հպարտ է աջակցելու Կոսովոյում Հայաստանի ներգրավվածությանը, որը համահունչ է դաշինքներն ամրապնդելու, ՆԱՏՕ-Բալկաններ հանձնառությունների առաջմղման և կովկասյան տարածաշրջանում Հայաստանի հետ ամուր անվտանգային գործընկերությանը նոր թափ հաղորդելու մեր ընդհանուր նպատակներին»,- նշվում է հաղորդագրության մեջ։
