27.06.2026 | 20:57
Էդուարդ Սպերցյանը կտեղափոխվի Սաուդյան Արաբիա. աղբյուր
Երեք տարում տպագրել ենք ավելի քան 220 անուն դասագիրք. ԿԳՄՍ նախարար․ ՏԵՍԱՆՅՈՒԹ
Հասարակություն
27.08.2025 | 14:58
Բոլոր դպրոցներն ունեն անհրաժեշտ դասագրքեր ուսուցում իրականացնելու համար, այս պահին արդեն դասագրքերի բաշխումը հիմնականում ավարտված է։ Այս մասին հրավիրված մամուլի ասուլիսի ժամանակ հայտարարեց ԿԳՄՍ նախարար Ժաննա Անդրեասյանը։
Նա նշեց, որ այս երեք տարիների ընթացքում արդեն իսկ տպագրվել է ավելի քան 220 դասագիրք: Ըստ կրթության ոլորտի պատասխանատուի՝ նոր դասագրքերն այս տարվա մրցույթների արդյունքներով որակական մեծ փոփոխությունների են ենթարկվել՝ դառնալով «լավ դասագրքեր»:
«Այս տարվա արդյունքներով՝ մեր դասագրքերի շուրջ 45 տոկոսն այլընտրանք է ունեցել, ինչը նշանակում է, որ նույն առարկայի, նույն դասարանի դասագրքից ունեցել ենք երկու տարբեր գիրք, և ուսուցիչներն ունեցել են հնարավորություն՝ ընտրելու իրենց ավելի հարմար դասագիրքը: Սա նշանակում է, որ, իսկապես, հսկայական աշխատանք է արված, որը հնարավորություն է տվել մեր ուսուցչներին՝ ընտրելու նոր ուսումնական նյութեր, դասավանդման նոր մոտեցումներ»,- հավելեց նա։
Անդրեասյանը նաև տեղեկացրեց, որ այս տարի 1-ին դասարանում նոր չափորոշիչով են աշխատելու, նոր Այբբենարաններ կան, որոնցով կիրականացվի ուսուցսումը։
Մանրամասները՝ տեսանյութում։
Մանյա Պողոսյան
