04.11.2026 | 10:03
Փաշինյանի անունով Telegram-ում կեղծ օգտահաշիվ է բացվել․ խոսնակը զգուշացնում է հնարավոր խարդախության մասին
Սեպտեմբերի 7-9-ն ամերիկյան պատվիրակության այց է սպասվում Ադրբեջան
Քաղաքականություն
27.08.2025 | 15:07
Վաշինգտոնում Ադրբեջանի և ԱՄՆ-ի միջև փոխըմբռնման հուշագրի ստորագրումը երկկողմ համագործակցության նոր փուլի սկիզբ է։ Այս մասին ադրբեջանական Report գործակալությանն ասել են Բաքվում ԱՄՆ դեսպանատնից։
Դիվանագիտական առաքելությունը հիշեցրել է, որ օգոստոսի 8-ին Վաշինգտոնում ԱՄՆ նախագահ Դոնալդ Թրամփի միջնորդությամբ տեղի են ունեցել Ադրբեջանի և Հայաստանի ղեկավարների միջև բանակցություններ, որոնց ընթացքում ձեռք են բերվել պատմական համաձայնություններ՝ երկարատև հակամարտությանը վերջ դնելու համար։
Նույն օրը ստորագրվել է Ադրբեջան-ԱՄՆ ռազմավարական գործընկերության խարտիան պատրաստելու համար ռազմավարական աշխատանքային խումբ ստեղծելու վերաբերյալ փոխըմբռնման հուշագիր։
«Այս քայլը կնպաստի ԱՄՆ-ի և Ադրբեջանի միջև տնտեսական կապերի ամրապնդմանը և նշանավորում է երկրների միջև տնտեսական և առևտրային համագործակցության նոր փուլի սկիզբը»,- նշել է դեսպանատունը։
Հաղորդվում է, որ սեպտեմբերի 7-9-ը նախատեսված է ամերիկյան գործարար համայնքի պատվիրակության այցը Ադրբեջան։
Թարգմանությունը՝ Էմմա Չոբանյանի
