03.07.2026 | 05:09
ԱԱ-2026. Պորտուգալիան հաղթանակ կորզեց ու կխաղա Իսպանիայի հետ. ՏԵՍԱՆՅՈՒԹ
Գյումրիում կալանավորվել է թմրամիջոց տեղադրող օտարերկրացի
Հասարակություն
27.08.2025 | 11:17
Համայնքային ոստիկանության Կումայրիի բաժնի ծառայողները ստացել էին օպերատիվ տեղեկություն, որ օտարերկրյա քաղաքացի մի երիտասարդ ձեռք բերում և Գյումրի քաղաքի տարբեր վայրերում փաթեթներով տեղադրելու միջոցով իրացնում է թմրամիջոց։
«Տեղեկությունը ստուգվեց օգոստոսի 22-ին: Երեկոյան ժամը 8-ին Գյումրու «Գորկու» անվան կենտրոնական զբոսայգում տեսնելով իրեն մոտեցող ոստիկաններին` 24-ամյա երիտասարդը դիմեց փախուստի: Հետապնդումը կարճ տևեց: Հասնելով Տերյան փողոց` երիտասարդը փախչելիս մի քանի փաթեթ գցեց բակերից մեկում, ապա բռնվեց ու ձերբակալվեց։
Նրա խուզարկությամբ հայտնաբերվեց 11 փաթեթ` ընդհանուր մոտ 14 գրամ մարիխուանայով: Նա հայտնեց, որ մարիխուանան իրացնելու նպատակով ձեռք է բերել «Տելեգրամ» հավելվածի միջոցով։
Նախաձեռնվել է քրեական վարույթ, որի շրջանակում կատարված զննությամբ հայտնաբերվել են նաև զբոսայգում երիտասարդի տեղադրած հինգ և փախչելիս նետած ութ փաթեթները։
24-ամյա օտարերկրացին կալանավորվել է:
Նախաքննությամբ հանգամանքները պարզվում են»,- հայտնում են ՆԳՆ-ից։
`
