19.12.2025 | 17:45
Այդպիսի ինֆորմացիայի չեմ ծանոթացել. Սերժ Սարգյանը՝ Կաթողիկոսի եղբոր գործակալ լինելու մասին․ ՏԵՍԱՆՅՈՒԹ
ԵՄ-ն Ուկրաինային ավելի քան 4 միլիարդ եվրո է տրամադրել՝ Անկախության օրվա կապակցությամբ
Քաղաքականություն
24.08.2025 | 13:50
Եվրոպական միությունը Ուկրաինային է փոխանցել 4,05 միլիարդ եվրո՝ երկրի 34-րդ Անկախության օրվա նախօրեին, որը նշվում է օգոստոսի 24-ին։ Այս մասին նշվում է Եվրահանձնաժողովի հայտարարության մեջ։
«Այս նոր ֆինանսավորումը ընդգծում է մեր հանձնառությունը ոչ միայն Ուկրաինայի վերականգնմանը, այլև նրա ապագային՝ որպես ինքնիշխան և ժողովրդավարական երկրի», -նշել է Եվրահանձնաժողովի նախագահ Ուրսուլա ֆոն դեր Լեյենը։
Ինչպես ընդգծել է Ուկրաինայի վարչապետ Յուլյա Սվիրիդենկոն, 3,05 միլիարդ եվրոն տրամադրվել է Ukraine Facility ծրագրի շրջանակում՝ Ուկրաինայի վերականգնման համար, իսկ ևս 1 միլիարդ եվրոն՝ ERA Loans նախաձեռնության շրջանակում, որը ֆինանսավորվում է Ռուսաստանի սառեցված ակտիվներից ստացված եկամուտներով։
«Այս աջակցությունը ուժեղացնում է ինչպես պետական բյուջեն, այնպես էլ վերականգնման գործընթացը։ Շնորհակալություն եվրոպական գործընկերներին»,-գրել է Սվիրիդենկոն իր Telegram-ալիքում։
Եվրահանձնաժողովի հայտարարության մեջ նշվում է, որ Ռուսաստանի ամբողջամասշտաբ ներխուժումից հետո՝ 2022 թվականից ի վեր, ԵՄ-ն և նրա անդամ պետությունները Ուկրաինային ընդհանուր առմամբ տրամադրել են 168,9 միլիարդ եվրո՝ հումանիտար, ֆինանսական և ռազմական օգնության ձևով։
