20.03.2026 | 13:20
Կարպինը հայտնել է՝ ինչու Արսեն Զախարյանին չի հրավիրել Ռուսաստանի հավաքական
Դատարանը քննում է «Սրբազան շարժման» գործով մեղադրյալ Տիգրան Գալստյանի խափանման միջոցի հարցը․ ՏԵՍԱՆՅՈՒԹ
Հասարակություն
22.08.2025 | 15:25
Երևանի քրեական դատարանում դատավոր Կարեն Ֆարխոյանի նախագահությամբ շարունակվում է «Սրբազան պայքար» շարժման գործի քննությունը:
Դատարանը քննում է գործով մեղադրյալների նկատմամբ խափանման միջոցի հարցը: Հանրային մեղադրող Հայկ Հովհաննիսյանը դիրքորոշում հայտնեց,, որ մեղադրյալ Տիգրան Գալստյանը պետք է շարունակի մնալ կալանքի տակ, քանի որ առկա է գործի քննությանը խոչընդոտելու, փախուստի, ինչպես նաև նոր հանցանք կատարելու հիմք: Գալստյանի պաշտպան Ռուբեն Մելիքյանը, սակայն, նշեց, որ անգամ հիմնավոր կասկած առկա չէ, որ Գալստյանը կատարել է իրեն վերագրվող արարքը:
Ըստ Մելիքյանի՝ գործում առկա է Տիգրան Գալստյանի և մեկ այլ անձի միջև հեռախոսային խոսակցություն՝ գունավոր ծուխ բերելու մասին: Պաշտպանն ասաց, որ խոսքն այն նույն տեսակի գունավոր ծխերի մասին է, որոնք տարիներ առաջ՝ 2018-ին, պատգամավորները տարել էին Ազգային ժողով: Ըստ Մելիքյանի՝ գունավոր ծխեր այսօր լայնորեն տարածված են ու անգամ մանկապարտեզներում են կիրառվում՝ հավելելով, որ եթե «մարդը ծխի համար դատապարտվելու է ահաբեկչության հոդվածով, այդտեղ իրավաբանություն չկա»:
Դատարանը որոշեց 3 ամսով երկարացնել Տիգրան Գալստյանի կալանքի ժամկետը։
Մանրամասները՝ տեսանյութում։
Արաքս Մամուլյան
