17.02.2026 | 14:10
ԱՄՆ-ն և ՌԴ-ն գրեթե հավասարվել են․ ինչքան փող են 2025-ին արտերկրից ստացել ՀՀ քաղաքացիները
Կիմ Չեն Ընը հյուսիսկորեացի զինվորներին պարգևատրել է «արտերկրում ռազմական գործողությանը» մասնակցելու համար
Քաղաքականություն
22.08.2025 | 13:51
ԿԺԴՀ ղեկավար Կիմ Չեն Ընը պետական պարգևներ է հանձնել «արտերկրում ռազմական գործողությանը» մասնակցած հրամանատարներին և զինվորականներին, հաղորդում է Կորեայի կենտրոնական լրատվական գործակալությունը (KCNA:
BBC-ի ռուսական ծառայության փոխանցմամբ՝ Կիմ Չեն Ընը «արտերկրում ռազմական գործողությանը» մասնակցությունն անվանել է Հյուսիսային Կորեայի բանակի ամենածանր փորձությունը՝ նրա 70-ամյա գոյության ընթացքում: Այս փորձությունը, նրա խոսքով, հաստատում է պատերազմին ԿԺԴՀ-ի լիարժեք պատրաստվածությունը:
Չի նշվում, թե որ «արտասահմանյան ռազմական գործողության» մասին է խոսքը:
Նախօրեին, սակայն, KCNA-ն հաղորդագրություն էր հրապարակել, որ Կիմ Չեն Ընն ընդունել է արտասահմանյան օպերատիվ զորքերի հրամանատարներին։ Դրանում ուղղակիորեն նշվում է, որ հյուսիսկորեական զորքերը մասնակցել են «Ռուսաստանի Դաշնության Կուրսկի շրջանի ազատագրման գործողությանը»:
Արևմտյան տվյալներով՝ այս տարվա հունվարի դրությամբ՝ ԿԺԴՀ-ն Ռուսաստանին օգնելու համար ուղարկել է շուրջ 11,000 զինվորականի, որոնցից մոտ հազարը զոհվել է։
