27.06.2026 | 21:49
Վուչիչը հայտարարել է նախագահի պաշտոնում իր «վերջին օրերի» մասին
Բագրատ արքեպիսկոպոս Գալստանյանի և մյուսների գործի քննությունը տեղափոխվեց այլ դահլիճ
Հասարակություն
19.08.2025 | 18:24
Բագրատ արքեպիսկոպոս Գալստանյանի և մյուս 17 մեղադրյալների գործը կքննվի Երևանի քրեական դատարանի Շենգավիթի նստավայրում:
Նշենք, որ այսօր գործով առաջին դատական նիստն էր՝ դատավոր Կարեն Ֆարխոյանի նախագահությամբ: Դատավոր Ֆարխոյանն աշխատում է Երևանի դատարանի Կենտրոնի նստավայրում: Չնայած այն հանգամանքին, որ նիստն անցկացվեց այս դատարանի ամենամեծ դահլիճում՛ այստեղ պատշաճ պայմաններ հնարավոր չէր եղել ապահովել ինչպես մեղադրյալների և փաստաբանների, այնպես էլ՝ այլ քաղաքացիների համար։ Փաստաբաններից ոմանք ընդհուպ իրենց պաշտպանյալների կողքին նստելու հնարավորություն չունեին, լրագրողների մեծ մասը ևս նստելու տեղ չուներ դահլիճում, ու կանգնած էր աշխատում, դրսում էին մնացել նաև իրենց հարազատների դատավարությանը եկած բազմաթիվ քաղաքացիներ:
Իրավիճակը հաշվի առնելով՝ դատարանն այսօր միայն ճշտեց մեղադրյալների ինքնությունը, որից հետո նիստը հետաձգեց: Նիստի ավարտին դատավոր Ֆարխոյանի հայտնեց, որ գործն այսուհետ կքննվի Շենգավիթի նստավայրի 1-ին դահլիճում, որն անհամեմատ ընդարձակ է: Հաջորդ նիստը նշանակվեց վաղը՝ օգոստոսի 21-ին:
Արաքս Մամուլյան
