04.10.2026 | 17:02
Հարկային վարչարարությունը պետք է դառնա ավելի կանխարգելիչ, կանխատեսելի և գործընկերային. ՊԵԿ նախագահ
ՌԴ փոխվարչապետ Ալեքսեյ Օվերչուկը հաջորդ շաբաթ Երևան կժամանի
Քաղաքականություն
15.08.2025 | 11:50
ՌԴ փոխվարչապետ Ալեքսեյ Օվերչուկը հաջորդ շաբաթ Երևան կժամանի, հաղորդում է ՌԻԱ Նովոստին։
«Ես հաջորդ շաբաթ մեկնում եմ Երևան։ Ուղևորությունը նախապես էր ծրագրված, դրա շուրջ համաձայնություն է ձեռք բերվել Ալթայում կայացած հանդիպման ժամանակ։ Այցը կապված է այն բանի հետ, որ Հայաստանի նորմատիվ իրավական կարգավորումներում հայտնվել է նորմատիվ իրավական ակտ՝ Հայաստանի կառավարության որոշում, որը, մեր կարծիքով, հակասում է Եվրասիական տնտեսական միության օրենսդրությանը»,- ասել է Օվերչուկը։
Նա նշել է, որ այցի ընթացքում սպասվում է հանդիպում ՀՀ վարչապետ Նիկոլ Փաշինյանի հետ, որի ընթացքում քննարկելու են «Հարավային Կովկասի տարածաշրջանում հաղորդակցությունների ապաշրջափակման հետ կապված նրբությունները»։
Բացի այդ, ՌԴ փոխվարչապետը հայտնել է, որ հաղորդակցությունների ապաշրջափակման հարցը քննարկելու է նաև ադրբեջանական կողմի հետ։ Ըստ նրա, հաջորդ շաբաթ Ռուսաստանում այդ հարցով հանդիպում է նախատեսվում։
