16.07.2026 | 15:31
Կհստակեցվեն ուսուցիչներին լրավճարի տրամադրման մեխանիզմները
Պետդումայում նշել են Ալյասկայում Պուտին-Թրամփ բանակցությունների հնարավոր թեմաները
Քաղաքականություն
11.08.2025 | 13:51
Ալյասկայում նախանշված ՌԴ և ԱՄՆ նախագահներ Վլադիմիր Պուտինի և Դոնալդ Թրամփի բանակցությունները կարող են դուրս գալ ուկրաինական օրակարգից և անդրադառնալ Մոսկվայի ու Վաշինգտոնի ԱՄՆ-ի միջև Արկտիկայում տնտեսական համագործակցության ավելի գլոբալ հարցերի։ ՌԻԱ Նովոստիին այս մասին ասել է ՌԴ Պետդումայի գույքի, հողի և գույքային հարաբերությունների կոմիտեի ղեկավար, Ռուսաստանի Բանկի Ազգային ֆինանսական խորհրդի անդամ Սերգեյ Գավրիլովը:
«Չնայած Ալյասկայում կայանալիք բանակցությունների օրակարգի հիմնական թեման ուկրաինական հարցն է, հանդիպումը կարող է դառնալ այն կետը, որտեղ զուգահեռաբար կբարձրացվեն Արկտիկայում երկու երկրների երկարաժամկետ շահերին առնչվող շատ ավելի գլոբալ հարցեր: Վերջին տարիների ընթացքում երկկողմ հարաբերությունները գործնականում դադարի վիճակում են, և կուտակված խնդիրները պահանջում են քննարկում ամենաբարձր մակարդակով: Մենք խոսում ենք արկտիկական երթուղիների զարգացման համատեղ տնտեսական մեխանիզմների ստեղծման, նավահանգստային և տրանսպորտային ենթակառուցվածքներում երկարաժամկետ ներդրումային ծրագրերի կազմակերպման, լոգիստիկ հզորությունների ընդլայնման և բեռնափոխադրումների ավելացման մասին, ինչը կարող է նոր խթան հաղորդել երկու երկրների միջև առևտրին»,- ասել է Գավրիլովը:
Ըստ նրա՝ առաջիկա բանակցություններում կարևոր տեղ է զբաղեցնում առևտրային և տրանսպորտային միջանցքների զարգացումը, այդ թվում՝ Հյուսիսային ծովային ճանապարհի հնարավորությունները, նավահանգստային և նավիգացիոն ենթակառուցվածքների արդիականացումը։
Միաժամանակ, պաշտոնյայի խոսքով, ԱՄՆ-ում ռուսական սառեցված ակտիվների ֆոնին տեսականորեն կարող է քննարկվել այդ միջոցները ենթակառուցվածքային նախաձեռնությունների համաֆինանսավորման համար օգտագործելու թեման։
Կրեմլն ու Սպիտակ տունն ավելի վաղ հայտնել էին, որ Ռուսաստանի և ԱՄՆ-ի նախագահները կհանդիպեն օգոստոսի 15-ին Ալյասկայում:
