06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ուժեղ երկրաշարժ Թուրքիայում. զոհ և վիրավորներ կան
Քաղաքականություն
11.08.2025 | 10:43
Օգոստոսի 10-ի երեկոյան, Թուրքիայի ժամանակով 19:53-ին, 6,1 մագնիտուդով երկրաշարժ է գրանցվել: Էպիկենտրոնը եղել է Բալըքեսիր նահանգի Սընդըրգը շրջանում:
Թուրքիայի Աղետների և արտակարգ իրավիճակների վարչության (AFAD) տեղեկացմամբ՝ ցնցումները զգացվել են նաև Իզմիրում, Քյութահյայում, Յալովայում, Ստամբուլում, Մանիսայում, Ուշաքում, Այդընում, Էսքիշեհիրում, Սաքարյայում և Թեքիրդաղում:
Ըստ Թուրքիայի ներքին գործերի նախարար Ալի Երլիքայայի՝ փլուզվել է 16 շենք, զոհվել է 1 մարդ, 29-ը՝ վիրավորվել:
Այսօր առավոտյան էլ 3,2 մագնիտուդով երկրաշարժ է գրանցվել Թուրքիայի մայրաքաղաք Անկարայում։ Ցնցումները զգացվել են քաղաքի մի շարք շրջաններում, այդ թվում և՝ հանրային հեռուստաընկերության շենքում։
