04.08.2026 | 14:10
Հնարավորություն կա, որ Հայաստանի վերաբերյալ օրինագիծը Եվրախորհրդարանում քվեարկվի սեպտեմբերին․ Բոգդան Զդրոյեվսկի
ՀՀ կառավարությունը թույլատրել է վարչապետի աշխատակազմին «ՄՏՍ Հայաստան»-ի հետ կնքել իրեն պատկանող բաժնեմասի վաճառքի օպցիոնի պայմանագիր
07.08.2025 | 13:35
ՀՀ կառավարությունը, որ 2024-ի փետրվարին նվիրատվությամբ «Ֆեդիլքո Գրուպ Լիմիթիդ» ընկերությունից ստացել էր «ՄՏՍ Հայաստան» ՓԲԸ-ի 20% բաժնետոմսերը, թույլատրել է վարչապետի աշխատակազմին նույն ընկերության հետ կնքել վաճառքի օպցիոն պայմանագիր՝ այդ 20%-ի նկատմամբ։
Առաջարկությունը «Ֆեդիլքո Գրուպ Լիմիթիդ» ընկերությունն է արել ՀՀ կառավարությանը։ Հարցը կառավարության այսօրվա նիստի օրակարգում էր չզեկուցվող տարբերակով։
Factor.am-ը նախագծի հիմնավորումից տեղեկանում է, որ օպցիոն պայմանագրի իրացման դեպքում ՀՀ-ն կվաճառի բաժնետոմսերը 50 միլիոն ԱՄՆ դոլարով։ Գործընթացը կիրականացվի «Պետական գույքի մասնավորեցման մասին» օրենքի համաձայն։
Հիմնավորման համաձայն՝ նախագիծը բխում է պետական գույքի արդյունավետ կառավարման ծրագրից և բյուջետային ազդեցություն չի ունենա։
Նշենք, որ «ՄՏՍ Հայաստան»-ի 80% բաժնետերը «Ֆեդիլքո Գրուպ Լիմիթիդ» ընկերությունն է։
Արփի Հակոբյան
