27.06.2026 | 21:49
Վուչիչը հայտարարել է նախագահի պաշտոնում իր «վերջին օրերի» մասին
Անցած մեկ օրում բացահայտվել է 99 հանցագործություն, հայտնաբերվել է 7 հետախուզվող
07.08.2025 | 14:06
ՆԳՆ ոստիկանությունը ներկայացրել է օպերատիվ իրավիճակը հանրապետությունում օգոստոսի 6-7-ը:
Բացահայտվել է 99 հանցագործություն, որոնցից 4-ը՝ նախկինում կատարված:
Մասնավորապես, բացահայտվել է.
- 17 դեպք՝ ֆիզիկական ներգործության.
- 13 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու.
- 12 դեպք՝ թմրանյութի հայտնաբերման.
- 8-ական դեպք՝ մարմնական վնասվածք պատճառելու, հոգեկան ներգործության.
- 7 դեպք՝ խարդախության.
- 6 դեպք՝ թմրամիջոցներ պարունակող բույսեր աճեցնելու կամ ցանելու.
- 5-ական դեպք՝ անձնական ունեցվածքի գողության, խուլիգանության.
- 3 դեպք՝ պաշտոնեական լիազորությունների չարաշահման.
- 2-ական դեպք՝ փաստաթուղթ կեղծելու, գրավառուին վնաս պատճառելու, երեխայի դաստիարակության կամ խնամքի պարտականությունը չկատարելու:
Բացահայտվել են նաև սպանության փորձի, պաշտոնեական կեղծիքի կամ անփութության, թմրանյութի իրացման, սառը զենքի հայտնաբերման, աշխատանքի պաշտպանության կանոնները խախտելու և այլ դեպքեր։
Նախկինում կատարված հանցագործություններից բացահայտվել են անձնական ունեցվածքի և բնակարանային գողությունների, ֆիզիկական ներգործության, գույքը ոչնչացնելու կամ վնասելու դեպքեր։
Հայտնաբերվել է 7 հետախուզվող, կամավոր ներկայացել՝ 5-ը։
Գրանցվել է ապօրինի զենք-զինամթերք կամավոր հանձնելու 2 դեպք։
Անցած 1 օրում գրանցվել է 17 ավտովթար, 1 մարդ զոհվել է, 30-ը՝ ստացել տարբեր աստիճանի մարմնական վնասվածքներ։
