20.12.2025 | 18:06
Ֆուտզալի միջազգային ընկերական մրցաշարի մասնակիցներից մեկը չի ժամանել Երևան
Կրեմլում ավարտվել է Պուտինի ու Թրամփի բանագնացի հանդիպումը. այն շուրջ 3 ժամ է տևել
Քաղաքականություն
06.08.2025 | 16:24
Կրեմլում ավարտվել է Ռուսաստանի նախագահ Վլադիմիր Պուտինի և ԱՄՆ նախագահի հատուկ բանագնաց Սթիվ Ուիթկոֆի հանդիպումը։ Այս մասին «Ինտերֆաքս»-ին հայտնել է ՌԴ ղեկավարի մամուլի ծառայությունը։
Նշվում է, որ զրույցը տևել է շուրջ երեք ժամ։
Ուիթկոֆը Մոսկվա է ժամանել օգոստոսի 6-ի առավոտյան։ «Վնուկովո-2» օդանավակայանում նրան դիմավորել է ՌԴ նախագահի արտասահմանյան երկրների հետ ներդրումների և տնտեսական համագործակցության հարցերով հատուկ ներկայացուցիչ, Ռուսաստանի ուղղակի ներդրումների հիմնադրամի ղեկավար Կիրիլ Դմիտրիևը։ Մեկ ժամ անց նրանք միասին զբոսնել էին Կրեմլի մոտ գտնվող Զարյադյե զբոսայգում։
Սա Ուիթկոֆի հինգերորդ այցն է Ռուսաստան 2025 թվականին։ Վերջին անգամ նա բանակցությունների համար Մոսկվա է այցելել ապրիլի 25-ին, իսկ դրանից առաջ՝ ապրիլի 11-ին, եղել է Սանկտ Պետերբուրգում։
Թարգմանությունը՝ Էմմա Չոբանյանի
