06.10.2026 | 09:45
Մեղրիում հրդեհ է բռնկվել երկհարկանի տանը․ այրվել է շուրջ 200 քմ տարածք
Ադրբեջանական ևս երեք լցանավ է հայտնվել ԵՄ պատժամիջոցների ցուցակում՝ ռուսական նավթի առևտրի համար
Քաղաքականություն
28.07.2025 | 19:43
Ադրբեջանական ևս երեք լցանավ մեղադրվում է ռուսական պատժամիջոցների տակ գտնվող նավթի առևտրի մեջ։ BBC-ի ռուսական ծառայության հաղորդմամբ՝ Եվրամիության կողմից հրապարակված պատժամիջոցների ենթարկված նավերի վերջին ցանկում ներառված է երրորդ երկրների 105 նավթատար նավ։
ԵՄ-ն դրանք համարում է Ռուսաստանի, այսպես կոչված, «ստվերային նավատորմի» մաս, որի միջոցով Մոսկվան շարունակում է իր նավթը վաճառել Եվրոպային։ Ցանկում կա երեք ադրբեջանական լցանավ՝ «Շուշի», «Ղարաբաղ» և «Նիզամի Գյանջևի»։
Հավելենք, որ ավելի վաղ ԵՄ երկրներն ընդունել էին ՌԴ-ի դեմ պատժամիջոցների 18-րդ փաթեթը։
Այս տարվա մայիսին ադրբեջանական «Զանգեզուր» լցանավն էր հայտնվել բրիտանական պատժամիջոցների ցանկում։ Իսկ Եվրամիությունն անցյալ տարվա նոյեմբերին ընդունած բանաձևում Ադրբեջանին մեղադրել էր ռուսական գազը Եվրոպա վերարտահանելու համար։
Ի դեպ, Բրիտանիայից հետո ԵՄ-ն էր Ադրբեջանի՝ ռուսական նավթ տեղափոխող «Զանգեզուր» լցանավը ներառել պատժամիջոցների ցուցակում։
Թարգմանությունը՝ Էմմա Չոբանյանի
