12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Ուկրաինայի և ՌԴ-ի միջև բանակցությունների նոր փուլը տեղի կունենա շաբաթվա վերջին Ստամբուլում․ ԶԼՄ-ներ
Քաղաքականություն
21.07.2025 | 15:18
Ռուսաստանի և Ուկրաինայի միջև բանակցությունների նոր փուլը սպասվում է Ստամբուլում այս շաբաթվա վերջին։ Այս մասին հաղորդում է ՏԱՍՍ-ը՝ հղում անելով իր աղբյուրին։
Գործակալության աղբյուրի խոսքով՝ «ամսաթվերը համաձայնեցվում են» և ժամանակին կհայտարարվի։ Լրատվամիջոցն այլ մանրամասներ չի հաղորդում։
Թուրքական լրատվամիջոցներն էլ, դիվանագիտական աղբյուրներին վկայակոչելով, հայտնում են, որ Ռուսաստանի և Ուկրաինայի պատվիրակությունները, ամենայն հավանականությամբ, կհանդիպեն Ստամբուլում այս շաբաթ։ Բանակցությունները կարող են տեղի ունենալ չորեքշաբթի կամ հինգշաբթի։
Ուկրաինայի նախագահ Վլադիմիր Զելենսկին հուլիսի 19-ին հայտարարել էր, որ Կիևը Մոսկվային առաջարկել է հաջորդ շաբաթ անցկացնել բանակցությունների նոր փուլ։ Նրա խոսքով՝ առաջարկը ռուսական կողմին է փոխանցել բանակցություններում Ուկրաինայի պատվիրակության ղեկավար, Ազգային անվտանգության և պաշտպանության խորհրդի քարտուղար Ռուստեմ Ումերովը։
Նախորդ երկու փուլերի բանակցությունների ընթացքում, որոնք ևս տեղի էին ունեցել Ստամբուլում, պայմանավորվածություն էր ձեռք բերվել գերիների և զոհերի մարմինների փոխանակման վերաբերյալ։
Թարգմանությունը՝ Էմմա Չոբանյանի
