06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Մոսկվայում հեղեղներ են․ գիշերն ու առավոտյան մեկ ամսվա նորմայի չափով տեղումներ են գրանցվել․ ՏԵՍԱՆՅՈՒԹ
Քաղաքականություն
21.07.2025 | 14:38
Մոսկվայի որոշ շրջաններում գիշերը և առավոտյան մեկ ամսվա նորկայի չափով տեղումներ են գրանցվել։ Այս մասին հայտնել է Մոսկվայի քաղաքային տնտեսության համալիրի պաշտոնական տելեգրամ ալիքը, գրում է Lenta-ն։
Նշվում է, որ Զելենոգրադի վարչական շրջանի տարածքներում տեղացել է մինչև 91 միլիմետր տեղում, Հյուսիս-արևելյան շրջանում՝ մինչև 71 միլիմետր, իսկ Արևելյան և Հյուսիսային շրջաններում՝ համապատասխանաբար մինչև 50 և 47 միլիմետր տեղումներ, ամսական կլիմայական նորմայի 85 միլիմետրի դեպքում։ Օդերևութաբանները նշում են, որ վատ եղանակը կտևի մինչև օրվա վերջ։ Մասնագետները զգուշացնում են, որ հուլիսի 21-ին քամու ուժգնությունը կարող են հասնել վայրկյանում 15 մետրի։
«Մենք խնդրում ենք քաղաքի բնակիչներին զերծ մնալ վատ եղանակի ժամանակ դրսում գտնվելուց, լինել չափազանց զգույշ, չթաքնվել ծառերի տակ և չկայանել մեքենաները դրանց մոտ»,- նշել է գերատեսչությունը։
Հորդառատ անձրևների հետևանքով Մոսկվայում և Մոսկվայի մարզում ճանապարհներն ու ստորգետնյա անցումները հեղեղվել են: Մոսկվայի մարզի Նարո-Ֆոմինսկի շրջանում կամուրջ է փլուզվել, որի հետևանքով մեկուսացել է երեք բնակավայր։
Թարգմանությունը՝ Էմմա Չոբանյանի
