Չի կարելի ամեն չնչին պատճառով մարդուն «շիզոֆրենիկ» անվանել. ապաքաղաքական զրույց Անի Հովհաննիսյանի հետ. ՏԵՍԱՆՅՈՒԹ

Factor TV-ի A-politic հաղորդաշարի հյուրն է «Պավլ-Մեդ» հոգեկան առողջության կենտրոնի տնօրեն Անի Հովհաննիսյանը: Նրա կարծիքով՝ հոգեբուժության վերաբերյալ կան որոշակի կարծրատիպեր, որոնք գալիս են գրականությունից և կինոարվեստից: Մասնավորապես, նման պատկերացումներից է այն, որ հոգեկան հիվանդություններով տառապող մարդկանց դեղորայք են նշանակում՝ բացառապես նրանց «հանգստացնելու» և հնարավոր ագրեսիվ վարքը կանխելու համար: Իրականում բուժումն ուղղված է շատ ավելի բազմազան ու խորը խնդիրների լուծմանը:

Երկրորդ նախապաշարումը, որը ձևավորվել է մշակույթի ազդեցության տակ, այն է,  հոգեբուժանական կլինիկաներում անձնակազմը «տոտալիտար ռեժիմ» է հաստատում և զբաղված է միայն «պատիժներ» սահմաներով: Վերջապես, թյուր կարծիք կա, որ բուժառուների մեծ մասը չի հասկանում, թե ինչու է հայտնվել հիվանդանոցում ու վստահ է, որ իր դեմ ինչ-որ մարդիկ դավեր են նյութում:

Հաղորդման հյուրը նաև հիշեցնում է, որ մարդուն իր կամքին հակառակ հոգեբուժարան ուղարկելու դեպքերը սահմանված են օրենքով ու բավականին բարդ ընթացակարգ են ենթադրում:

Անի Հովհաննիսյանն անդրադառնում է նաև այն խնդրին, որ լրատվամիջոցներում և սոցցանցերում մարդիկ իրար հաճախ են անվանում «հոգեկան հիվանդ», «պարանոյիկ», «շիզոֆրենիկ»: Հոգեբույժի կարծիքով՝ դա անընդունելի է նախ՝ որպես վիրավորանք: Երկրորդ՝ նման պիտակները որոշ չափով արժեզրկում են հոգեբուժությունը և ախտորոշումը դարձնում են խարան:

Մանրամասները՝ տեսանյութում։

Արամ Աբրահամյան