16.07.2026 | 21:58
ԿԼ. «Ալաշկերտը» վերջին վայրկյաններին փրկվեց պարտությունից ու հաղթեց հետխաղային 11-մետրանոցներով․ ՏԵՍԱՆՅՈՒԹ
Մերժե՞լ Գարեգին Բ-ին․ ինչպես է Փաշինյանը պատրաստվում հեռացնել կաթողիկոսին. ՏԵՍԱՆՅՈՒԹ
Քաղաքականություն
17.07.2025 | 19:00
Նիկոլ Փաշինյանն ասում է՝ անեծքներից զերծ կմնա, բայց Վեհարանը Գարեգին Երկրորդից ազատելու մտքից չի պատրաստվում հրաժարվել։ Երեկ հրավիրված ասուլիսում վարչապետը բացատրեց, թե ինչ մեխանիզմով՝ 2018 թվականի սցենարով։ Իսկ այդ գործընթացին նա մտադիր է մասնակից դարձնել, այսպես ասած, ընտրյալներին։ Ասում է՝ կառանձնացնի ու իր կողքին կկանգնեցնի միայն բարոյականներին։
Իսկ ինչ է ենթադրում 2018-ի սցենարով Կաթողիկոսին գահընկեց անելը․ Սերժ Սարգսյանի հեռացման պահանջով այդ օրերին փողոցներ էին փակում, պետական կառույցներ շրջափակում, Հանրային ռադիոյի շենք ներխուժում։ Փաշինյանը չի գաղտնազերծում իր ծրագիրը, միայն ասում է, որ սիրով են գործելու։
Այսօր Կառավարության նիստից հետո Փաշինյանի թիմակից, ՏԿԵ նախարար Դավիթ Խուդաթյանից հետաքրքրվեցինք՝ ի՞նչ գործողությունների է պատրաստվում դիմել իշխանությունը, արդյո՞ք նախատեսում են մուտք գործել Վեհարան, ինչպես ժամանակին մտան Հանրային ռադիոյի շենք։
Սերժ Սարգսյանի օրինակով Ամենայն Հայոց կաթողիկոսի հրաժարականին հասնելու համար, նախկին նախագահի թիմակից Հայկ Մամիջանյանի համոզմամբ, Փաշինյանը սկսելու է կեղծիք տարածել։
2018 թվականին ժողովրդի կողմից մերժված Սերժ Սարգայանի ղեկավարած ՀՀԿ-ն մտադիր է թույլ չտալ Փաշինյանին մերժել Գարեգին Բ-ին։ Մամիջանյանը հայտարարում է՝ պատրաստ են գործողությունների։
Նիկոլ Փաշինյանն առանց մանրամասնելու երեկ նշել էր, որ թույլ չի տալու որոշ արտաքին ուժերի, հոգևոր վերնախավի անձնական կյանքի մասին տեղեկությունների տիրապետելով, այդ հոգևորականներին օգտագործել ՀՀ-ի դեմ։
Մայր Աթոռը մինչ այս պահը չի արձագանքել Փաշինյանի հայտարարություններին։ Տեղեկատվական կենտրոնից էլ այսօր մեզ փոխանցեցին, երբ մեկնաբանություն ունենան՝ կհայտնեն։
Մանրամասները՝ տեսանյութում։
Նարեկ Կիրակոսյան
