31.07.2026 | 18:03
Ռուբինյանը ԱԺ պատվո մեդալով է պարգևատրել աշխատակազմի ղեկավար-գլխավոր քարտուղար Դավիթ Առաքելյանին
ՔԿԾ-ն հրապարակել է այն խցի և սանհանգույցի լուսանկարները, որտեղ պահվում են կալանավորված կինն ու նրա 8 ամսական երեխան
Հասարակություն
13.07.2025 | 18:40
ՀՀ ԱՆ քրեակատարողական ծառայությունը հրապարակել է այն խցի և սանհանգույցի լուսանկարները, որտեղ պահվում են հուլիսի 11-ին կալանավորված 36-ամյա Լիանա Հարությունյանը և նրա 8 ամսական երեխան։
«Տիկին Փոստանջյանին մեկ անգամ ևս կոչ ենք անում «Աբովյան» քրեակատարողական հիմնարկի հետ կապ չունեցող լուսանկարներ չհրապարակել և հասարակությանը չգցել մոլորության մեջ, իսկ փաստաբանական մարտավարությունը կառուցել փաստերի և օբյեկտիվ հիմքերի վրա՝ դուրս չգալով մասնագիտական էթիկայի սահմաններից։
ՀՀ փաստաբանների պալատ, խնդրում ենք քննարկման առարկա դարձնել իրականությանը չհամապատասխանող տեղեկություններ տարածող փաստաբանի վարքագիծը»,- ասված է հաղորդագրությունում։
Ավելի վաղ Լիանա Հարությունյանի փաստաբան Զարուհի Փոստանջյանը գրել էր, որ բանտախուցը, որտեղ գտնվում է փոքրիկ Ջուլիան և նրա մայրը բացարձակ պիտանի չէ որպես ութ ամսական երեխայի համար կեցության վայր:
Պարզաբանում ստանալու նպատակով Factor.am-ը դիմել է Քրեակատարողական ծառայություն։ Ծառայության մամուլի քարտուղար Նոնա Նավիկյանը մեզ հետ զրույցում նշել է, որ պնդումներն այն մասին, թե «Աբովյան» քրեակատարողական հիմնարկի մոր և մանկան համար նախատեսված խցում տաք ջուր չի եղել, չեն համապատասխանում իրականությանը։
Փաստաբանը նշել էր նաև, որ Լիանա Հարությունյանը երեխայի հետ «Աբովյան» քրեակատարողական հիմնարկից տեղափոխվել է հիվանդանոց։
