07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
ՕՄՕՆ-ը Մոսկվայի շուկայում ադրբեջանցիների զանգվածային ձերբակալություններ է իրականացրել. ՏԵՍԱՆՅՈՒԹ
Քաղաքականություն
11.07.2025 | 16:01
Մոսկվայի մարզի Միտիշչի քաղաքում ՕՄՕՆ-ը գործողություն է իրականացրել, որի ընթացքում ադրբեջանցիների են բերման ենթարկել և ավտոբուսներով տարել են։ Այս մասին հայտնում են ադրբեջանական լրատվամիջոցները՝ հրապարակելով նաև ձերբակալությունների կադրերը։
Հաղորդվում է, որ գործողությունն իրականացվել է Միտիշչիի շուկայում այսօր՝ Մոսկվայի ժամանակով 09:00-ին։
Այլ մանրամասներ առայժմ չեն հաղորդվում։
Ադրբեջանի և Ռուսաստանի հարաբերությունները սրվել են՝ այն բանից հետո, երբ հունիսի 27-ին Եկատերինբուրգում ձերբակալվել է ադրբեջանական ծագում ունեցող ավելի քան 50 անձ։ Ձերբակալության ընթացքում մահացել է առնվազն երկու մարդ՝ Ադրբեջանի 60-ամյա քաղաքացի Հուսեյն Սաֆարովը և նրա եղբայրը՝ 55-ամյա Զիյադդինը։ Բաքուն պահանջում է պատասխանատվության ենթարկել մեղավորներին։ Ադրբեջանի Գլխավոր դատախազությունը քրեական գործ է հարուցել Ռուսաստանի անվտանգության ուժերի կողմից իր քաղաքացիների խոշտանգումների և սպանության փաստով։
Հիշեցնենք, որ օրերս էլ Մոսկվայի մարզի ադրբեջանական սփյուռքի ղեկավար Էլշան Իբրահիմովն արտաքսվել է Ռուսաստանից։
Թարգմանությունը՝ Էմմա Չոբանյանի
