06.10.2026 | 14:23
Ռաֆինյան երկարաձգել է «Բարսելոնայի» հետ պայմանագիրը. Աղբյուր
Կիևում Ուկրաինայի անվտանգության ծառայության գնդապետ է սպանվել․ ԶԼՄ-ներ․ ՏԵՍԱՆՅՈՒԹ
Քաղաքականություն
10.07.2025 | 14:25
Կիևի Գոլոսեևսկի շրջանում հուլիսի 10-ի առավոտյան ոստիկանությունը հայտնաբերել է տղամարդու դի՝ հրազենային վնասվածքով։ «Украинская правда»-ին իրավապահ մարմինների աղբյուրները հայտնել են, որ սպանվածը Ուկրաինայի անվտանգության ծառայության գնդապետ Իվան Վորոնիչն է։
Աղբյուրի տվյալներով՝ ժամը 09:00-ի սահմաններում գնդապետին մոտեցել է մի տղամարդ և ատրճանակից 5 կրակոց արձակել, որից հետո դիմել է փախուստի։
Գերագույն ռադայի նախկին պատգամավոր Իգոր Մոսիյչուկը և Պաշտպանության նախարարության գլխավոր հետախուզական վարչության նախկին աշխատակից Ռոման Չերվինսկին հաստատել են, որ մահացածը հատուկ գործողությունների կենտրոնի ավագ օպերատիվ սպա, գնդապետ Իվան Վորոնիչն էր։
Մի շարք ռուսական Z-բլոգերներ ենթադրում են, որ Վորոնիչը ներգրավված է եղել Ռուսաստանի տարածքում դիվերսիաների կազմակերպման մեջ։
Ուկրաինայի անվտանգության ծառայությունը հետաքննություն է սկսել հատուկ ծառայության աշխատակցի սպանության գործով՝ Ուկրաինայի քրեական օրենսգրքի 348-րդ հոդվածի համաձայն (իրավապահ մարմինների աշխատակցի կամ զինծառայողի կյանքի դեմ մահափորձ)։
Կիևի ոստիկանությունը տեսանյութ է հրապարակել Գոլոսեևսկի շրջանի բնակելի շենքի բակում տեղի ունեցած սպանության վայրից։
Թարգմանությունը՝ Էմմա Չոբանյանի
