27.03.2026 | 22:52
Սողանք Կապան քաղաքում․ տուժածներ չկան
Հայաստանը գրեթե ժամանակ չունի նոր ԱԷԿ-ի շինարարություն սկսելու համար․ Արեգ Դանագուլյան․ ՏԵՍԱՆՅՈՒԹ
Քաղաքականություն
08.07.2025 | 19:00
Հայաստանում քաղաքական և հնային դիսկուրսի ցածր մակարդակի խնդիրը սկսվում է դպրոցից, Factor TV-ի հետ զրույցում նման կարծիք է հայտնում ԱՄՆ Մասաչուսեթսի տեխնոլոգիական համալսարանի ֆիզիկայի պրոֆեսոր, միջուկային ինժեներիա դասավանդող Արեգ Դանագուլյանը։
Ըստ նրա՝ երկրի դպրոցական կրթական համակարգում բացակայում է կրիտիկական մտածողության ունակությունների ուսուցումը։
Անդրադառնալով Իրանի միջուկային ծրագրին և իրանա-իսրայելական պատերազմին՝ Դանագուլյանը նշում է, որ բոլոր անուղղակի նշանները խոսում էին ծրագրի ռազմական բնույթի մասին, և որ Իրանի նպատակը միջուկային զենք ստանալն է։ Միաժամանակ, ըստ նրա, Իսրայելի և ԱՄՆ-ի հարվածները կարող էին վնասել կամ ոչնչացնել օբյեկտները, սակայն իրանցիների գիտելիքներն անհնար է ոչնչացնել։
Ինչ վերաբերում է Հայկական ԱԷԿ-ի, Դանագուլյանը նշում է, որ որոշակի ռիսկեր կան՝ կապված ռեակտորի պատյանի հետ, բայց, ընդհանուր առմամբ, այն անվտանգ է մնում։ Ըստ գիտնականի՝ միջուկային էներգետիկան ապահովում է երկրի զգալի էներգետիկ անկախությունը, և Հայաստանին նոր ԱԷԿ է պետք։ Դրա շինարարությունը պետք է սկսել արդեն առաջիկայում, քանի որ գործող ԱԷԿ-ի շահագործման ժամկետի ավարտին մնում է 11 տարի, իսկ նոր ԱԷԿ-ը շահագործման հանձնելու համար շուրջ 10 տարի է անհրաժեշտ։
«Հայաստանը գրեթե ժամանակ չունի»,- եզրափակում է գիտնականը։
Հարցազրույցն ամբողջությամբ՝ տեսանյութում։
Սամվել Մելիքսեթյան
