13.01.2026 | 11:44
Խոշոր ավտովթար՝ Հերացի փողոցում․ բախվել է 4 ավտոմեքենա, կան տուժածներ
Մոսկվայում «անօրինական միգրացիայի» դեմ ռեյդեր են իրականացվել․ ձերբակալվել է ավելի քան 500 մարդ, 30-ը՝ արտաքսվել․ ՏԵՍԱՆՅՈՒԹ
Քաղաքականություն
08.07.2025 | 15:32
Մոսկվայի իրավապահ մարմինների աշխատակիցները ռեյդեր են անցկացրել՝ «անօրինական միգրացիայի հայտնաբերման համար»։ Այս մասին հայտնել է Մոսկվայի Քննչական կոմիտեն: Գերատեսչությունը չի նշել, թե երբ են տեղի ունեցել ռեյդերը, գրում է Meduza-ն։
Քննչական կոմիտեն հայտարարել է, որ «ստուգել են» Մոսկվայի հոսթելներն ու աղոթատեղիները՝ «անօրինական միգրացիայի ուղիները» հայտնաբերելու համար։ Ավելի քան 500 մարդ տարվել է ոստիկանություն՝ ստուգման։ Ռուսաստանից ավելի քան 30 մարդ է արտաքսվել երկիր մուտքի և կեցության կանոնները խախտելու համար: Քննիչները նշել են, որ խուզարկության ժամանակ հայտնաբերել են մեկ անձի, որը գտնվել է դաշնային հետախուզման մեջ:
2024 թվականի մարտին «Կրոկուս Սիթի հոլլ»-ում տեղի ունեցած ահաբեկչական հարձակումից հետո Ռուսաստանի իշխանություններն ակտիվորեն խստացնում են միգրացիոն քաղաքականությունը։ Ի թիվս այլ բաների՝ նրանք սահմանափակել են ամուսնության միջոցով Ռուսաստանում բնակության թույլտվություն ստանալու պարզեցված ընթացակարգը, հաստատել արտաքսման նոր ռեժիմ և արգելել ռուսերեն չիմացող միգրանտների երեխաների ընդունումըլ դպրոցներ։
Ռուսաստանում նույնպես գործարկվել է վերահսկվող անձանց ռեեստր։ Իշխանություններն այնտեղ գրանցում են երկրում անօրինական գտնվող օտարերկրյա քաղաքացիներին։ Գրանցամատյանում ընդգրկվածներն արմատապես զրկվում են իրենց իրավունքներից։
Ռեեստրի աշխատանքի սկսվելուց հետո միգրանտները բողոքում են, որ իրենք անհիմն և սխալմամբ են ներառվել այդ ցուցակում։ Բացի այդ, ոստիկանության աշխատակիցներն անընդհատ ռեյդեր են անցկացնում և ստիպում աշխատանքային միգրանտներին՝ պայմանագրեր կնքել ՌԴ Պաշտպանության նախարարության հետ։
Թարգմանությունը՝ Էմմա Չոբանյանի
