16.07.2026 | 21:58
ԿԼ. «Ալաշկերտը» վերջին վայրկյաններին փրկվեց պարտությունից ու հաղթեց հետխաղային 11-մետրանոցներով․ ՏԵՍԱՆՅՈՒԹ
Տեխասում ջրհեղեղի հետևանքով զոհերի թիվը հասել է 82-ի, նրանց թվում 28 երեխա կա
Քաղաքականություն
07.07.2025 | 15:11
ԱՄՆ Տեխաս նահանգում աղետալի ջրհեղեղների զոհերի թիվը հասել է 82-ի, տասնյակ մարդիկ դեռևս անհետ կորած են համարվում, գրում է CNN-ը։
Կանխատեսվում է, որ Քեր շրջանում, որտեղ գտնվում է «Քեմփ Միստիկ» ճամբարը, նոր անձրևները կհեղեղեն ջրային ուղիները, պաշտոնյաները զգուշացնում են հնարավոր հետևանքների մասին։ Նշվում է, որ անցած հանգստյան օրերին ջրհեղեղների հետևանքով Քեր շրջանից առնվազն 28 երեխա է զոհվել, 10 աղջիկ և մեկ խորհրդատու «Քեմփ Միստիկ» ճամբարից դեռևս անհետ կորած են համարվում։
Քեր շրջանի պաշտոնյաները նախկինում քննարկել են ջրհեղեղի մասին նախազգուշացնող ազդանշաններ տեղադրելու հարցը, սակայն այդ ծրագիրը չի իրականացել։ Չնայած Ազգային օդերևութաբանական ծառայությունը փոթորկից առաջ մի քանի նախազգուշացումներ է տվել, հարցեր են առաջացել աղետի ժամանակ բնակիչներին հասնելու կարողության վերաբերյալ։
Եվս 6 մարդ զոհվել է Թրևիս շրջանում, 3-ը՝ Բըրնեթ շրջանում, 2-ական՝ Ուիլյամսոնի և Քենդալի շրջաններում, և 1-ը՝ Թոմ Գրին շրջանում։
Գվադելուպե գետը վերջին անգամ այն հեղեղվել է 1987 թվականին, սակայն ավելի փոքր մասշտաբով։
ԱՄՆ նախագահ Դոնալդ Թրամփը խոստացել է դաշնային օգնություն ցուցաբերել տուժածներին: Նա նշել է, որ ուրբաթ օրը նախատեսում է այցելել Տեխաս։
Տեխասի նահանգապետ Գրեգ Աբբոտն արտակարգ դրության մասին հայտարարություն է ստորագրելով՝ ասելով, որ նահանգի փրկարարական գործողությունների համար նախատեսված ռեսուրսները կլինեն «անսահմանափակ»:
Թարգմանությունը՝ Էմմա Չոբանյանի
