Պեսկովը հայտարարել է, որ Մոսկվան և Բաքուն պետք է մերձավոր գործընկերներ և դաշնակիցներ մնան

Ռուսաստանը և Ադրբեջանը պետք է մերձավոր գործընկերներ և դաշնակիցներ մնան, առաջացող բոլոր խնդիրները պետք է լուծվեն կառուցողական կերպով։ Այս մասին հայտարարել է ՌԴ  նախագահի մամուլի քարտուղար Դմիտրի Պեսկովը, գրում է Ինտերֆաքսը:

«Կարծում ենք, որ տրամաբանությունը խոսում է միայն մեկ բանի մասին. Ռուսաստանն ու Ադրբեջանը հանդիսանում են և պետք է մնան  մերձավոր գործընկերներ, դաշնակիցներ ու երկրներ, որոնց միավորվում են ընդհանուր պատմությունը, ընդհանուր ներկան և ընդհանուր ապագան»,- լրագրողներին ասել է նա։

Կրեմլի ներկայացուցչի խոսքով՝ «առաջացող բոլոր խնդիրները, անշուշտ, պետք է լուծվեն կառուցողական կերպով, որպեսզի դրանք համապատասխանեն երկկողմ հարաբերությունների ընդհանուր ոգուն»։

Պեսկովը նշել է, որ Բաքվում ՌԴ դեսպանատունը և Ռուսաստանի ԱԳ նախարարությունը «մշտական ​​կապի մեջ են ադրբեջանական կողմի հետ և պաշտպանում են ձերբակալված ռուսաստանցիների շահերը՝ օգտագործելով օրենքով և գործող դիվանագիտական ​​պրակտիկայով նախատեսված բոլոր հնարավորությունները»։ Նա նաև հիշեցրել է ՌԴ Քննչական կոմիտեի և գլխավոր դատախազության ղեկավարներ Ալեքսանդր Բաստրիկինի և Իգոր Կրասնովի շփումների մասին Ադրբեջանի գլխավոր դատախազի հետ։

Հավելենք, որ Բաքվի և Մոսկվայի հարաբերությունների լարվածության ֆոնին ՌԴ-ում ադրբեջանցիների նոր ձերբակալություններ են։ Մասնավորապես, Տվերում բացահայտվել է ադրբեջանական կազմակերպված հանցավոր խումբ, որը զբաղվել է կեղծ ծխախոտի և ալկոհոլի առևտրով։

Թարգմանությունը՝ Էմմա Չոբանյանի